Protesta/ Duka: PAA është në krah të atyre që kërkojnë ndryshim

15/03/2019 - 13:34

Një ditë para protestës së opozitës, kryetari i Partisë Agrare Ambientaliste, Agron Duka shprehet se forca politike që ai drejton së bashku me mbështetësit do jenë në krah të gjithë atyre që kërkojnë ndryshim.

Duka shkruan në Facebook se largimi i opozitës nga Parlamenti i ka dhënë krizës politike përmasa të tilla, që mund ta çojnë vendin në dy drejtime krejt të kundërta.

POSTIMI I PLOTË 

Më pak se 24 orë na ndajnë nga protesta e të shtunës, ku edhe një herë bulevardi do të mbushet me qindra e mijëra shqiptarë. Edhe një herë, ne si PAA do të jemi në krah të gjithë atyre që kërkojnë ndryshim.

Largimi i opozitës nga Parlamenti i ka dhënë krizës politike përmasa të tilla, që mund ta çojnë vendin në dy drejtime krejt të kundërta dhe vetëm një hipokrit i pamend do ta mohonte realitetin e errët të këtij çasti.

Drejtimi i parë është ai i rrezikut që pushteti aktual të bëhet edhe më total, duke kontrolluar të gjitha fushat e jetës politike, edhe ato pak hapësira që kishte në dorë opozita.

Drejtimi i dytë është ai i rimëkëmbjes së jetës normale të vendit, nëpërmjet një aleance të sinqertë të të majtëve, të djathtëve dhe të gjithë atyre që janë zhgënjyer nga ky sistem i padrejtë përfaqësimi. Një drejtim në të cilin nuk bashkohemi për të ndryshuar një qeveri, por për t’i dhënë fund pushtetit që gëzon jo vetëm falë kriminalizimit të politikës, por edhe si pasojë e ndryshimeve kushtetuese të 2008-ës. Zotimi i shumëpritur i opozitës për të zhbërë këtë sistem të përçudnuar është sot garancia e vetme që orët e zeza të shoqërisë sonë të marrin fund.

Si të gjithë ju, unë e dua vendin tim. Këtu kam mësuar nga im at profesionin e agronomit, këtu kam krijuar familjen time, miqësitë e mia, këtu kam zhvilluar pasionin për të qenë përfaqësuesi i përulur i të gjithë atyre që më kanë dhënë besimin në këto vite. Si i tillë, do të jem nesër me ju, për të kërkuar njëzëri realizimin e aspiratës të mohuar në këtë tranzicion të gjatë për zgjedhje të lira dhe të ndershme, për një sistem zgjedhor realisht demokratik, për një përfaqësim dinjitoz të vullnetit qytetar në të gjitha sferat e vendimmarrjes, për një aleancë të sinqertë nëpërmjet të cilës të shërojmë plagët e një shoqërie të ndarë, të varfëruar dhe të harruar.

/portali DurresLajm/

Na bëni like në facebook!: 

Lajme nga e njëjta kategori

Pas vendimit të Gjykatës së Hagës për të lënë në burg përjetë, Radovan Karaxhiçin si përgjegjës për krime lufte në Bosnje Hercegovinë, ka

Ministrja e Mbrojtjes Olta Xhaçka ishte sot mes efektivëve të kompanisë së asgjësimit të lëndëve shpërthyese me rastin e 20-vjetorit të k

Zv.kryeministri, Erion Braçe ka reaguar pas padisë së PD të bërë ndaj ministrit, Sandër Lleshaj dhe disa punonjësve të tjerë të Policisë

Është liruar nga detyra zv/ ministrja e Drejtësisë Teuta Vodo.

Sot në mbledhjen e qeverisë, Këshilli i Ministrave ka miratuar nënshkrimin e Kontratës së Koncesionit për “Rehabilitimin, operimin, trans

Partia Demokratike ka paditur ministrin e Brendshëm, Sandër Lleshaj dhe disa punonjës të Policisë së Shtetit për shpërdorim detyre gjatë

“Për zgjidhjen e krizës politike në vend jam gati të dorëzoj mandatin e Presidentit”. Kjo është deklarata e fortë e Presidentit

Pas helmimit të 11 nxënësve sot në Bulqizë, ka reaguar edhe ish-deputetja e Partisë Demokratike, Dhurata Çupi e cila e quan ngjarjen si “

Kryetari i Kuvendit Gramoz Ruҫi ka marrë pjesë në Konferencën e Nismës Adriatiko-Joniane në Budva të Malit të Zi ku tha se shtetet si Ita

Ish-deputetja e PD, Jorida Tabaku do dalë sot para gjykatës për t'u përballur me padinë e kryeministrit Edi Rama, pas deklaratave se komp