Protesta, reagon BE: Zgjidhje urgjente të situatës përmes një platforme

15/03/2019 - 14:15

Një ditë para protestës së opozitës përballë kryeministrisë reagon edhe delegacioni i BE-së, në Shqipëri. Përmes një deklaratë ky delegacion kërkon që liderët partiakë të mbajnë përgjegjësi dhe të shmangin çdo lloj forme dhune.

Delegacioni thotë se është shumë urgjente që të kapërcehet situata politike aktuale duke krijuar një platformë kombëtare për dialog ndërmjet të gjitha palëve të interesuara.

“Në prag të protestës së 16 marsit, Delegacioni i Bashkimit Evropian në Tiranë rithekson rëndësinë e të drejtës themelore të të gjithë qytetarëve shqiptarë për të demonstruar. Kjo e drejtë është një shtyllë qendrore në çdo shoqëri demokratike, por duhet ushtruar në mënyrë paqësore, pa përdorur dhunën. Asnjë formë e nxitjes së dhunës nuk është e tolerueshme. Ne u bëjmë thirrje edhe një herë të gjithë liderëve të partive që të tregojnë përgjegjësi për të shmangur çdo përshkallëzim gjatë protestave”, shkruan në deklaratë delegacioni i BE.

Deklarata e plotë

Në prag të protestës së 16 marsit, Delegacioni i Bashkimit Evropian në Tiranë rithekson rëndësinë e të drejtës themelore të të gjithë qytetarëve shqiptarë për të demonstruar. Kjo e drejtë është një shtyllë qendrore në çdo shoqëri demokratike, por duhet ushtruar në mënyrë paqësore, pa përdorur dhunën. Asnjë formë e nxitjes së dhunës nuk është e tolerueshme. Ne u bëjmë thirrje edhe një herë të gjithë liderëve të partive që të tregojnë përgjegjësi për të shmangur çdo përshkallëzim gjatë protestave.

Ashtu siç kemi deklaruar edhe më parë, konsiderojmë se vendimi për heqjen dorë nga mandatet parlamentare pengon seriozisht funksionimin e demokracisë në Shqipëri dhe ndikon në integrimin e vendit në BE – një perspektivë që e duan plotësisht 93% e qytetarëve shqiptarë. Ne vazhdojmë të mbështesim ata që janë të angazhuar në procesin demokratik në Parlament, gjithashtu në mbrojtjen e interesave të popullsisë shqiptare që dëshiron të vazhdojë të ecë drejt BE-së. Që prej qershorit të kaluar është bërë progres, veçanërisht në reformën në drejtësi, si dhe në luftën kundër krimit të organizuar, por ka ende shumë punë për të bërë në tre muajt e ardhshëm.

Tani është shumë urgjente që të kapërcehet situata politike aktuale duke krijuar një platformë kombëtare për dialog ndërmjet të gjitha palëve të interesuara, edhe duke pasur parasysh zgjedhjet e ardhshme lokale të qershorit. Shqipëria ka nevojë për një dialog ndërpartiak për reformat më urgjente, duke përfshirë reformimin e kuadrit ligjor zgjedhor në përputhje me rekomandimet e OSBE / ODIHR-it.

/portali DurresLajm/

Na bëni like në facebook!: 

Lajme nga e njëjta kategori

Presidenti i Republikës Ilir Meta ka reaguar pas dorëheqjes së kryeministrit të Kosovës Ramush Haradinaj.

Kreu i opozitës, Lulzim Basha ka vlerësuar dorëheqjen e Ramush Haradinajt si aktin e një njeriu që vë Atdheun mbi gjithçka.

"As është parë e as dëgjuar deri më sot, kjo që ndodhi në Gjykatën e Durrësit!"

Pas Durrësit, Partia Socialiste i kërkon Gjykatës së Tiranës të njohë mandatin e kryetarit të bashkisë së Vorës, dalë nga 30 qershori, Ag

Kreu i PD-së Lulzim Basha ka reaguar pas vendimit të Gjykatës së Durrësit, për të vërtetuar mandatin e Valbona Sakos si kryebashkiake.

Kreu i PAA-së Agron Duka ka reaguar për vendimin e dhënë sot nga gjykata e Durrësit duke njohur mandatin e Valbona Sakos si kryetare të B

Gjykata ka vërtetuar mandatin e Valbona Sakos si kryebashkiake e qytetit të Durrësit, fituese në zgjedhjet e 30 qershorit.

Partia Socialiste e Shqipërisë kërkon nga Gjykata e Durrësit njohjen e kryetares së bashkisë se Durrësit, Valbona Sakon, e dalë nga zgjed

Ish-ministrja e Integrimit Klajda Gjosha shkruan në Facebook se një ditë më parë, në parlament u kaluan ligje që janë shteruese.

Në një deklaratë për mediat, kreu i Partisë Demokratike, Lulzim Basha denoncoi koncesionet e miratuara një ditë më parë në parlament nga