Protestat në Ballkan e Shqipëri, influencë ruse? Si përgjigjen Rama dhe Stoltenberg

02/06/2019 - 16:06

Në konferencën e përbashkët për shtyp me kryeministrin Rama, sekretari i Përgjithshëm i NATO-s, Jens Stoltenberg, u pyet nga gazetarët, se nisur nga vala e protestave të fundit në vendet e Ballkanit Perëndimor, përfshirë edhe Shqipërinë, a ka informacione se në këto procese ka influencë ruse që kërkon një rajon të destabilizuar.

Në përgjigjen e tij sekretari i Përgjithshëm i NATO-s, Jens Stoltenberg, e vuri theksin te demokracia dhe te respektimi i institucioneve demokratike, duke apeluar për dialog pavarësisht debateve.

“Mosmarrëveshjet politike janë pjesë e demokracisë. Ajo që nuk është e pranueshme është dhuna dhe çdo përpjekje për të minuar institucionet demokratike. Respektoni institucionet demokratike. Çdo mosmarrëveshje duhet zgjidhur përmes proceseve demokratike. Zgjedhjet janë një element thelbësor i proceseve demokratike në shtetet anëtare të NATO-s, prandaj u bëj thirrje të gjithë palëve të marrin pjesë në proces. Palët të zgjidhin problemet përmes dialogut. Kemi parë përpjekjet e Rusisë për t’u përfshirë në institucionet e vendeve demokratike, duke u përfshirë edhe në institucionet e NATO-s”, tha Stoltenberg, duke ia kaluar fjalën kryeministrit Rama.

Shefi i qeverisë nuk e mohoi mundësinë e një përfshirjeje të Rusisë në atë çfarë po ndodh në rajon.

“Së pari nuk është sekret, që qasja e Rusisë ndaj NATO-s, ndaj BE-së, si dhe ndaj proceseve integruese nuk është një qasje miqësore. Së dyti, dua të nënvizoj se në asnjë vend të NATO-s nuk ka ndodhur çka po ndodh këtu dhe çka disa forca kryesore të opozitës paralajmërojnë dhe do të përpiqen që të ndodhë këtu. Do të ishte një njollë turpi për ne, si një vend i NATO-s. Së treti, patjetër që diçka e tillë nuk shkon në favor të vendit, nuk përputhet me interesat, vlerat, parimet as të NATO-s e as të BE. Si e tillë, me apo padashje çojnë ujë në mullirin e atyre që nuk e duan integrimin e vendeve të Ballkanit Perëndimor si në NATO ashtu edhe në BE”, u përgjigj Rama.

/portali DurresLajm/

Na bëni like në facebook!: 

Lajme nga e njëjta kategori

Deputeti i opozitës së re, Ralf Gjoni e ka quajtur pazar të turpshëm marrrëveshjen e mbrëmshme të Reformës Zgjedhore dhe paralajmëron se

Kryeministri Edi Rama e ka mbyllur këtë të premte me një foto mahnitëse nga Gjiri i Kakomesë në Sarandë.

Parku "Rinia" në Tiranë i cili u përmbyt sot nga shiu, 6 ditë nga inaugurimi i tij, është konsideruar sot nga kreu i FRPD, Belind Këlliçi

Këto pamje të filmuara me dron vijnë nga vendgrumbullimi i plehrave tek ish-miniera në Manëz, buzë rruge në një zonë të pyllëzuar.

Nënkryetari i LSI, Petrit Vasili ka zbuluar detaje nga zhvendoja e negociatave të Këshillit Politik për disa ditë nga Pallati i Kongresev

Sekretari i Përgjithshëm i PD, Gazment Bardhi i është përgjigjur kryeministrit Rama pasi ky i fundit tha se humbja e 2017 për ta nuk isht

Kryeministri Edi Rama ka reaguar pas zërave kritikë ndaj Partisë Demokratike për marrëveshjen zgjedhore.

Kryetari i Partisë Demokratike, Lulzim Basha ka vizituar sot një prej familjeve më të vjetra në Tiranë, Petrela.

Anëtar i tryezës së Këshillit Politik për Reformën Zgjedhore, Damian Gjiknuri ka sqaruar aplikimin e votës së emigrantëve, e cila është p