“Ra akuza e sajuar nga Rama”, PD reagon për vendimin e Prokurorisë

08/11/2019 - 18:20

Pas vendimit të Prokurorisë për të rrëzuar akuzën për pastrim parash të Lulzim Bashës dhe çuarjen e tij para gjykatës vetëm me akuzën e ‘falsifikimit të vulave stampave ose formularëve’, ka reaguar Partia Demokratike.

Në një deklaratë për shtyp, PD thekson se “sot prokuroria vendosi pushimin e akuzës qesharake që e stisën dhe e përdorën për të goditur kundërshtarin politik sipas një strategjie të miratuar nga zyra e Edi Ramës”.

“Pasi u keqpërdorën duke akuzuar zyrtarët e Partisë Demokratike për pastrim parash dhe përdorim të parave ruse, prokuroria sot u detyrua të pranojë se këto akuza të stisura nuk qëndrojnë. E vërteta është se ishte Partia Demokratike që i kërkoi Prokurorisë hetimin e plotë dhe të gjithanshëm të financave dhe shpenzimeve të saj, e bindur se ka vepruar në përputhje të plotë me ligjin. Partia Demokratike ka deklaruar që ditën e parë se kjo akuzë u sajua nga Edi Rama për të zhurmuar skandalet korruptive të Qeverisë së tij dhe lidhjet me krimin e organizuar”, shkruhet në deklaratën e PD-së.

“Partia Demokratike vlerëson faktin që pas 2 viteve të mbajtjes së kësaj çështje të hapur për qëllime propagande qeveritare, çështja është dërguar në gjyq. Tashmë shqiptarët do të kenë mundësi të njihen me dokumentet e plota, në seanca gjyqësore të hapura dhe transparente, ku do të provohet se Partia Demokratike ka bërë transparencë të plotë të financave të saj dhe ka deklaruar në përputhje me ligjin çdo shpenzim të kryer. Ndërkohë që partnerët strategjikë bëjnë thirrje për reforma që forcojnë pavarësinë e institucioneve, drejtësia e kontrolluar nga Edi Rama nuk heton krimet dhe korrupsionin qeveritar, mbyll sytë përpara lidhjeve të krimit me politikën, dhe sajon akuza kundër kundërshtarit politik të Edi Ramës. Sot u vërtetua se nuk ka patur kurrë asnjë hetim në SHBA as ndaj Partisë Demokratike, as ndaj kompanisë së lobimit, as ndaj ndonjë zyrtari të Partisë Demokratike. Ajo ishte një sajesë e Edi Ramës, për të fshehur një tjetër hetim që po zhvillohej në SHBA”, shtohet më tej në deklaratë. 

/portali DurresLajm/

Na bëni like në facebook!: 

Lajme nga e njëjta kategori

Opozita parlamentare i ka dërguar një letër ambasadorëve të SHBA-së dhe BE-së.

Në një deklaratë për mediat, partia Agrare Ambientaliste (PAA) propozon ngritjen e Bankës Shqiptare të Zhvillimit dhe Sistemin e garantim

Kreu i PD, Lulzim Basha ka filluar sot takimet në kuadër të procesit të negocimit dhe konsensusit për Reformën Zgjedhore.

Nuk janë të pakta rastet kur kryeministri Edi Rama debaton dhe ironizon deputetin e opozitës, Kujtim Gjuzi.

Kryeministri Edi Rama foli nga foltorja e Kuvendit për Reformën Zgjedhore, e cila ndodhet ende pa një marrëveshje mes palëve, ndonëse pre

Ashtu siç premtoi Presidenti i Republikës ka vendosur të bëjë publike çdo veprimtari, qëndrim, deklaratë apo dhe propozim të tijin.

Presidenti Ilir Meta ka dekretuar pedagogun dhe avokatin Dr. Arben Shehu si kreu i Kontrollit të Lartë të Shtetit.

Duke iu referuar deklaratave të ministrit të Brendshëm, Sandër Lleshaj, deputeti i opozitës së re Lefter Maliqi në seancën e sotme plenar

Ministrja e Arsimit, Besa Shahini ka reaguar në lidhje me ngjarjen e rëndë në shkollën e Babrrusë, ku roja 65-vjeçar abuzoi seksualisht m

Deputetja e opozitës së re, Fatjona Dhimitri, iu përgjigj ministrit të Brendshëm, Sandër Lleshaj, i cili tha se emrat e policëve që ishin