Rama kujton vitin ’97: Vjen shpejt koha kur edhe spekullantët e luftës përgjjgjen një ditë!

26/03/2020 - 11:58

Ish-deputeti Luan Rama ka kujtuar përmes një postimi në Facebook, vitin 1997 kur ishte gazetar, teksa paralelizon situatën me atë që po jetojmë sot nga koronavirusi.

Rama shkruan se tipike e qeverisë së atëhershme ishte fakti se gazetarët duhet të mbyllnin gojën me justifikimin se ishim në luftë, duke mos folur për qeverinë edhe kur ajo shkelte ligjin dhe sipas tij e njëjta gjë po ndodh edhe sot.

POSTIMI I PLOTË

Mbylleni gojën, jemi në luftë!

Një shprehje idiote, edhe pse jo të gjithë ata që e thonë, janë idiotë.

Thjesht më kujton vitet 1995, 1996, dhe sidomos vitin 1997 të Shqipërisë në kolaps, pa shtet dhe në gjendje të jashtëzakonshme, kur horrat e pushtetit dhe minjtë e gjirizeve të tij na thonin ne gazetarëve: mbylleni gojën, jemi në luftë!

Sepse sipas tyre, ishte e paligjshme të flisje për të vërtetat e pushtetit, ishte e paligjshme që t’i denoncoje ato, se “ishim në luftë”!

Të njejtët, natyrisht jo nga emri e mbiemri, por nga trutë e ushqyer në haletë e pushtetit, thonë të njejtën gje: mbylleni gojën, jemi në luftë!

Për këta hibridë të sajuar prej mutacionesh perversiteti pushteti e të klonuar në laboratorët e propagandës tipike gebëlsiane, jo vetëm nuk ka rëndësi se çfarë bën dhe si e bën qeveria punën e vet, por edhe duhet heshtur!

Duhet heshtur edhe kur qeveria nuk zbaton ligjin, edhe kur kryeministri vepron në kokën e vet e pa asnjë tagër kushtetues, duhet heshtur për konçensionet e grabitjes dhe për mosveprimin kriminal në kohën e duhur për shpalljen e emergjencës civile, por duhet heshtur edhe kur të burgosurit nxirren nga burgu sipas shijeve të qeverisë e në kundërshtim me ligjin dhe kushtetutën, duhet heshtur edhe kur shteti nuk është atëherë kur qytetarët kanë më shumë nevojë për të.

Jemi në luftë, por lufta nuk i jep të drejtë askujt të shkelë ligjin!

Vjen shpejt koha kur edhe spekullantët e luftës përgjjgjen një ditë!

/portali DurresLajm/

Na bëni like në facebook!: 

Lajme nga e njëjta kategori

Ambasadori i BE, Luigi Soreca ka vlerësuar solidaritetin e Shqipërisë me Italinë duke i dhënë 30 mjekë dhe infermierë që do të luftojnë m

Kompania “Air Albania”, ka nisur sot misionin për kthimin në atdhe të qytetarëve shqiptarë, të cilët janë të bllokuar në qytete të ndrysh

Presidenti Ilir Meta ka përshëndetur dërgimin 30 mjekëve dhe infermierëve të Shqipërisë në Itali për të ndihmuar vendin fqinj në luftën k

Kryemistri Edi Rama ka postuar në Facebook një statistikë sa u përket kurbës së rritjeve të rasteve për koronavirusin.

Demokratët i kërkojnë qeverisë të ndërpresë çdo lloj tenderi apo prokurimi i cili nuk ka lidhje me shëndetësinë.

Kreu i Partisë Demokratike, Lulzim Basha ka publikuar një video sensibilizuese në Facebook, ku bëhet thirrje për distancim social, në kët

Kryeministri Edi Rama ka reaguar sërish sot përmes një postimi në Facebook lidhur me masat shtrënguese ndaj koronavirusit.

Presidenti Ilir Meta ka përkujtuar sot 75-vjetorin e krijimit të Shkollës së Mesme Ushtarake “Skënderbej”.

Kryeministri i vendit Edi Rama, ashtu siç ka bërë në ditët e fundit ka mbajtur një komunikatë me qytetarët, ku ndër të tjera ka folur edh