Rama sërish në Durrës, inspekton pallatet që po riparohen (VIDEO)

29/10/2020 - 19:16

Në Durrës, procesi i rindërtimit po vijon me riparimin e mjediseve të përbashkëta e të muraturave të pallateve me nivel dëmi DS1, DS2, DS3, të ndarë në 9 lote dhe financuar nga qeveria shqiptare. Ndërhyrjet rehabilituese po kryhen në fasadat, shkallët dhe muret e ashensorëve të këtyre ndërtesave. Kryeministri Edi Rama ishte sot, sërish, në Durrës për të parë ecurinë e procesit në terren, i shoqëruar nga kryetarja e bashkisë së Durrësit, Emiriana Sako.

Kryeministri hyri në një prej apartamenteve të një pallati me dëmtime të nivelit DS3, ku aktualisht po punohet për të riparuar muraturën e brendshme, e cila nuk mund të niste pa rikonstruktuar më parë fasadën.

“Këtu jemi në një objekt DS3, ku ka filluar puna për ambientet e përbashkëta. Ka mure, të cilat janë rrëzuar totalisht dhe janë ringritur nga e para. Këtu jemi në një apartament në katin e parë mbi dyqane. Muri është bërë komplet nga e para, po ashtu edhe një mur tjetër. Familja është pajisur me grantin e rikonstruksionit, por nuk mund të bëheshin punimet brenda pa mbaruar pjesa e fasadës. Merr edhe bonusin e qerasë. Fondi 5 milionësh që kemi vënë në dispozicion do të shërbejë për suvatime, lyerje, pllaka e të tjera me radhë.” - shpjegoi kryetarja  e bashkisë së Durrësit.

Kryeministri Rama u shpreh se qeveria po bën maksimumin dhe megjithëse rikonstruksioni kërkon kohën e tij të përfundojë, e rëndësishme është që Viti i Ri t’i gjejë familjet e dëmtuara në banesat e tyre të reja, më të bukura dhe më të forta se më parë. 

“Ju e dini që ne po bëjmë maksimumin, edhe pse jo aq sa do të donim sepse koha është mbreti. Puna do kohën e vet, por e rëndësishme është që përsa i përket familjeve që janë me këtë hall në qytet, janë nëpër shtëpi me qera. Edhe shumën që mund të bëni rregullimet e brendshme e keni. Na është dashur një proces i tërë, sepse ka qenë një hall i madh me verifikime, dokumente, ankimime, riverifikime dhe pastaj me projektet. Tani të gjitha kompanitë janë në punë. Kemi edhe 2 lote që do të bëhen. Janë 7 lote të mëdha për mjediset e përbashkëta. Kurse për mjediset e brendshme jemi gati. Me këtë mund të filloni pjesën tuaj me riparimet e vogla. Rëndësi ka që për Vit të Ri e keni harruar këtë hall,” - u shpreh kryeministri.

Tashmë pjesa më e madhe e punës përsa i përket objekteve me dëmtime DS1 dhe DS3 është realizuar, ndërkohë që më komplekse situata paraqitet për objektet e dëmtimit DS4. “Është bërë një punë e madhe. Tani jemi drejt fundit sepse ka marrë zgjidhje situata përsa i përket problematikave të DS1 dhe DS3. DS4 e ka situatën pak më komplekse. Kemi rreth 143 pallate, të cilat kemi filluar procesin e projekteve,” - u shpreh kryebashkiakja Sako.

Kryeministri gjithashtu inspektoi edhe një objekt tjetër banimi, i cili i përket një prej zonave më të dëmtuara, ku u takua me familjarë, të cilët kanë mundësi të ndjekin vetë nga afër punimet për banesat e tyre.​

/portali DurresLajm/

Video: 
Na bëni like në facebook!: 

Lajme nga e njëjta kategori

Drejtuesi politik i Partisë Demokratike për qarkun e Durrësit, Edi Paloka ka komentuar deklaratën e kryeministrit Edi Rama, i cili tha se

Drejtuesi politik i Partisë Demokratike për qarkun e Durrësit, Edi Paloka ka zhvilluar një takim me anëtaret e Lidhjes Demokratike të Gru

Durrsakja Keida Ferra është një nga 10 finalistët e parë të përzgjedhur përmes platformës "Deputeti që duam" në Partinë Socialiste, nga 1

Në kuadër të procesit "Deputeti që Duam" kryeministri Edi Rama, Sekretari i Përgjithshëm i PS-së, Taulant Balla dhe drejtuesi politik i Q

Partia Socialiste prezantoi sot disa prej kandidatëve që duan t"i bashkohen PS-së përmes platformës "Deputeti që duam".

Nënkryetari i Partisë Agrare Ambientaliste, Arben Tafaj ka denoncuar se ""banda e rilindësve" është hedhur në sulm për vjedhje të votave"

Pasi bashkëshortja e kryedemokratit Lulzim Basha, Aurela publikoi një foto të tyren në makinë duke udhëtuar ka reaguar zv.kryeministri Er

Nënkryetari i LSI-së, Petrit Vasili deklaroi sot se vdekjet dhe infektimet nga COVID-19 në vend janë nga më të lartat në botë dhe akuzoi

Këtë fundjavë,kryedemokrati Lulzim Basha ka hequr kostumin zyrtar me të cilin jemi mësuar ta shohim.

Ish-deputeti i Partisë Demokratike, Oerd Bylykbashi bën thirrje që të shfuqizohet termi "ish-pronarë".