Ministri i Brendshëm, Sandër Lleshaj ka reaguar në Facebook lidhur me reportazhin e publikuar një ditë më parë nga media italiane, RAI 3.
Ministri shkruan se nuk është hera e parë që një media në Itali pre e dizinformimit dhe papërgjegjshmërisë së ndonjë individi në përcjelljen e lajmeve mbi luftën kundër kultivimit të kanabisit në Shqipëri.
Sipas tij, rezultatet e luftës kundër kanabisit janë të certifikuara nga autoriteti i padiskutueshëm i Guardia di Finanza-s.
POSTIMI I LLESHAJT
Nuk është hera e parë, që një media në Itali bie pre e dizinformimit dhe papërgjegjshmërisë së ndonjë individi në përcjelljen e lajmeve mbi luftën kundër kultivimit të kanabisit në Shqipëri.
Kjo gazetari sensacionale pa skrupuj fyen partneritetin e shkëlqyer me kolegët italianë!
Falë këtij partneriteti Shqipëria është çliruar nga fenomeni i kultivimit masiv të kanabisit dhe shënon çdo vit rezultate asfiksuese për krimin në këtë fushë.
Fatmirësisht këto rezultate janë të certifikuara nga autoriteti i padiskutueshëm i Guardia di Finanza-s.
Beteja vijon