Salianji zbulon emrin: Ja kush është kryebashkiaku që konsumon kokainë (VIDEO)

22/01/2020 - 12:24

Në një dalje për mediat, ish-deputeti i Partisë Demokratike, Ervin Salianji ka zbuluar emrin e kryebashkiakut që përdor drogë në lokal.

Salinji tha se kryebashkiaku i Bulqizës, Lefter Alla është filmuar ndërsa konsumon kokainë.

DEKLARATA E PLOTË

Opinioni publik është tronditur sot nga pamjet sesi kryebashkiaku ilegjitim i Bulqizës, i emëruar nga Edi Rama, është duke konsumuar kokainë.

Kokaina, heroina, kanabisi, vjedhja, zhvatja janë cilësitë kryesore të kësaj bande që drejton sot vendin. Janë cilësitë e kryeministrit të Shqipërisë, që i ka klonuar tek emërimet e tij politike në pushtetin lokal dhe në administratën publike.

Janë lidhjet me krimin, është hajdutëria dhe babëzia motivi kryesor që e ka shtyrë Edi Ramën të kapë sistemin e ri të drejtësisë, siç vulosi së fundmi, emërimin antikushtetues të vartësit të vet Artur Metani në krye të Inspektoriatit të Lartë të Drejtësisë, një prej organeve më të rëndësishme të drejtësisë.

Emërimi i paligjshëm dhe nul me dhunën e kartonave i Artur Metanit është në kundërshtim me Kushtetutën dhe ligjin “Për organet e qeverisjes së sistemit të Drejtësisë”, i cili ndalon një jurist të emërohet Inspektor i lartë i Drejtësisë, nëse ai ka mbajtur funksione politike në administratën publike gjatë 10 viteve të fundit.

Artur Metani është në kushtet e ndalimit kushtetues dhe ligjor, pasi ai ka qenë Këshilltar Juridik i Presidentit të Republikës, një pozicion që ligji për administratën publike e konsideron shumë qartë so funksion politik.

Edhe Këshilli i Emërimeve në Drejtësi, edhe Parlamenti kanë shkelur me vetëdije ligjet dhe Kushtetutën, duke qenë në dijeni të plotë të faktit ndalues se Artur Metani në 10 vitet e fundit ka qenë “funksionar politik”, si pjesë e Kabinetit të Presidentit të Republikës.

Rama ka zgjedhur që kontrollor të gjyqtarëve dhe prokurorëve të emërojë ish vartësin e tij dhe vëllain e deputetes së tij për ta përdorur për të kërcënuar gjyqtarë dhe prokurorë, kur ata të hetojnë apo gjykojnë dosjet e korrupsionit, të vjedhjes së votave nga qeveria e Edi Ramës apo që padrejtësinë ta kthejë në normë ndaj kundërshtarëve politikë.

Kushdo që kishte iluzionin që në këtë vend do të ketë drejtësi me Edi Ramën mori përgjigjen se Edi Ramës dhe shpurës së tij të hajdutëve dhe banditëve u duhet drejtësia nën kontroll për të ruajtur pronat dhe paratë e vjedhura, se drejtësia është një armë politike për t’u përdorur për kundërshtarët e qeverisë, se familjarët, fisi dhe krushqitë e deputetëve të Ramës kontrollojnë sistemin gjyqësor për t’i shërbyer mbulimit të aferave dhe mbylljes së cështjeve gjyqësore në ngarkim të banditeve në pushtet apo të krimit të organizuar që ushqen me vota Edi Ramën.

Llogaritë i kanë bërë gabim, Rama sot është më i ekspozuar se kurrë para qytetarëve dhe partnerëve të Shqipërisë, Partia Demokratike garanton qytetarët se ne do të zhbëjmë çdo paligjshmëri. Do t’i japim vendit një qeveri që i shërben qytetarit dhe jo kriminelëve.

Të gjithë do të japin llogari një më një para ligjit!

/portali DurresLajm/

Na bëni like në facebook!: 

Lajme nga e njëjta kategori

Kryetari i Partisë Demokratike, Lulzim Basha, po zhvillon një takim me ekspertë të shëndetësisë.

Ish- Presidenti i Shqipërisë Bujar Nishani shkruan në FB se heqja e licencës së shkollës private ”Udha e Shkronjave” në Tiranë nga Minist

Presidenti Ilir Meta do të depozitojë sot në SPAK, ministren e Drejtësisë, Etilda Gjonaj.

Komisioni Kuvendor i Ligjeve miratoi sot aktin normativ të qeverisë të njohur si AntiKÇK.

Presidenti Ilir Meta ka renditur në një postim në Facebook hapat e grushtit të shtetit.

Ministri në detyrë për Evropën dhe Punët e Jashtme, Gent Cakaj mori pjesë në Konferencën e Nivelit të Lartë për Perspektivën Evropiane, t

Ish-deputeti i PD, Agron Shehaj ka reaguar përmes një postimi në facebook, lidhur me përhapjen e Koronavirusit në Itali dhe rrezikshmërin

Sekretari i Përrgjithshëm i PD Gazmend Bardhi ka denoncuar një vendim të rrezikshëm sipas tij, për banorët e Kavajës.

Kreu i Partisë Demokratike, Lulzim Basha ka dalë krah Presidentit Ilir Meta për të marrë pjesë në besëlidhjen e 2 marsit, në mbrojtje të

Ministri në Detyrë për Evropën dhe Punët e Jashtme, Gent Cakaj ka njoftuar se deri më tani nuk është regjistruar asnjë rast shqiptarësh t