Shqipëria dhe Kosova bojkotojnë Samitin e Sarajevës

07/07/2019 - 14:59

Shqipëria dhe Kosova kanë anuluar pjesëmarrjen e tyre në Samitin për Procesin e Bashkëpunimit në Evropën Juglindore (SEECP) që këtë herë mbahet në Sarajevë të Bosnje-Hercegovinës.

Ka qenë Kosova e para që njoftoi mospjesëmarrjen në këtë samit. Presidenti Hashim Thaçi tha se sjellja e zyrtarëve të Bosnje-Hercegovinës ndaj Kosovës është njësoj si ajo e Serbisë.

“Përkundër vullnetit dhe gatishmërisë për të marrë pjesë në Samitin për Procesin e Bashkëpunimit në Evropën Juglindore (SEECP), ftesa denigruese e kryetarit aktual të kryesisë së Bosnjës dhe Hercegovinës, e bënë të pamundur pjesëmarrjen dhe përfaqësimin e Kosovës në këtë takim. Kosova gjithmonë ka qenë dhe është e gatshme për marrëdhënie të mira fqinjësore me Bosnje e Hercegovinën dhe për njohje reciproke. Por, fatkeqësisht, ky vullnet i ynë është keqpërdorur në vazhdimësi, njësoj sikurse tani me rastin e organizimit të SEECP-së nga Bosnja e Hercegovina. Minimumi që kërkon Kosova për pjesëmarrje në forume të tilla është trajtimi i barabartë me shtetet tjera pjesëmarrëse. Sjellja e Bosnjës dhe Hercegovinës është e papranueshme dhe paradoksale, meqë përfaqësuesit e saj aplikojnë praktika tërësisht antievropiane, që nuk dallojnë me ato të Serbisë. Me një qasje të tillë destruktive, bashkëpunimi rajonal dhe fqinjësia e mirë ndërmjet shteteve të Ballkanit Perëndimor mbetet një parakusht i paarritshëm në rrugën për anëtarësim në BE”, thotë Presidenti i Kosovës.

Kurse ministri i Jashtëm në detyrë i Shqipërisë, Gent Cakaj tha se vendi ynë qëndron në krah të Kosovës, duke bojkotuar kështu këtë samit. Sipas Cakajt, trajtimi i organizatorëve ndaj Kosovës është i papranueshëm, e kësisoj nuk do të ketë bashkëpunim.

“Shqipëria ka anuluar pjesëmarrjen e saj në samitin e SEECP në solidaritet me Kosovën. Trajtimi që kanë bërë organizatorët është i papranueshëm dhe në kundërshtim me krijimin e një atmosfere besimi, marrëdhënieve të mira fqinjësore dhe stabilitetit. Nuk ka bashkëpunim pa trajtim të barabartë”, thotë ministri Cakaj.

Bosnje-Hercegovina është në mesin e shteteve që nuk e ka njohur Pavarësinë e Kosovës. Nga ana tjetër, Kryeministri Haradinaj ka vendosur ndaj Bosnjes të njëjtën taksë si ndaj Serbisë, dhe ka thënë se do të hiqet kur Sarajeva zyrtare të njohë Kosovën si shtet të pavarur.

/portali DurresLajm/

Na bëni like në facebook!: 

Lajme nga e njëjta kategori

Sekretari i Përgjithshëm i PD-së, Gazment Bardhi ka reaguar pas deklaratave të kryeministrit Edi Rama në lidhje me marrëveshjen e 5 qersh

Instituti i Shëndetit Publik ka reaguar pas të akuzave të ish-deputeti të Partisë Demokratike, Bardh Spahia lidhur me mungesën e tamponëv

Kryenistri Edi Rama ka reaguar pas deklaratës së Presidentit Ilir Meta dhe akuzave të opozitës jashtë Parlamentit lidhur me ndryshimet ku

Kreu i grupit parlamentar të PS-së, Taulant Balla ka reaguar pas deklaratës së zv.kryetarit të Grupit të CDU-CSU në Bungestagun gjerman J

Zv.kryetar i Grupit të CDU-CSU në Bungestag Johann David Wadephul ka reaguar pas zhvillimeve politike në vend ku Komisioni i Ligjeve mira

Zëdhënësi i Presidentit Ilir Meta, Tedi Blushi ka reaguar në lidhje me ndryshimet kushtetuese, ku parashikohet që në zgjedhjet parlamenta

Ish-deputeti i Partisë Demokratike, Bardh Spahia ka reaguar lidhur me denoncimin e bërë nga kryetari i Sindikatës së Shëndetësisë në Durr

“Maskat ose barrierat e mbrojtjes prej tekstili do të jenë të detyrueshme të mbahen në ambientet e mbyllura nga çdo qytetar”.

Këshilli Bashkiak i Durrësit ka zhvilluar mesditën e sotme një mbledhje të jashtëzakonshme me mjete të komunikimit elektronik ku u miratu

Ish- deputetja e PD, Oriola Pampuri denoncon se spitali i cili një muaj më parë u inagurua nga Rama dhe Manastirliu si spitali COVID-4 ës