Skandali te "Shefqet Ndroqi", Rama: Është cënuar imazhi i mjekëve, sanitarja një fundërrinë

14/01/2021 - 13:30

Gjatë një vizite në qendrën shëndetësore nr.1 në kryeqytet, kryeministri Edi Rama ka komentuar sot rastin e denoncuar nga emisioni "Stop", ku sanitarja e spitalit "Shefqet Ndroqi", Tire Alldërvishi duke u hequr si infermiere, i ka marrë 8 milionë lekë familjarëve të një pacienteje, e cila ka ndërruar jetë nga koronavirusi.

Rama tha se është shumë i keqardhur nga skandali i denoncuar dhe shtoi se ajo ngjarje cënon imazhin dhe krijon idenë se korrupsioni dhe sjellja e sanitares është pjesë e punës së mjekëve dhe infermierëve.

"Unë jam mirënjohës për të gjithë mjekët dhe infermierët, më shumë për ata që punojnë në kushte në të cilat punonit ju para pak kohësh. Patjetër në këtë situatë kaq të ngatërruar, jam shumë i keqardhur për atë historinë e asaj sanitares, që faktikisht cënon imazhin, reputacionin edhe punën e mjekëve dhe infermierëve. Dhe krijon perceptimin që kjo është një mënyrë të punuar, apo pjesë e sistemit të punës. Realisht e vetmja gjë që më ka pëlqyer apo më ka ngrohur në atë ngjarje ka qenë puna e gazetarëve investigativë. Kanë nxjerrë në pah një llum dhe njëkohësisht nuk kanë provuar, nuk ka rezultuar se ajo sanitare ka qenë e lidhur me mjekë apo të ishte një zinxhir me punonjës të tjerë", tha Rama, i cili më tej e quajti sanitaren një fundërrinë dhe tha se ajo nuk e zhbën dot punën e gjithë bluzave të bardha.

"Patjetër që kur nuk ka pyll pa derra, nuk ka asnjë sistem që të mos ketë fundërrina të tilla. Por kjo nuk e zhbën kurrë punën e mjekëve dhe infermierëve."

/portali DurresLajm/

Video: 
Na bëni like në facebook!: 

Lajme nga e njëjta kategori

Ministrja e Shëndetësisë dhe Mbrojtjes Sociale, Ogerta Manastirliu në fjalën e saj në Kuvend ka deklaruar se janë kontraktuar doza vaksin

Sekretari i Përgjithshëm i Partisë Demokratike, Gazment Bardhi ka reaguar pas qëndrimit të kryeministrit Edi Rama për programin ekonomik

Ministria e Shëndetësisë dhe Mbrojtjes Sociale ka vendosur që të lejojë zhvillimin e ndeshjeve të basketbollit, të cilat ishin pezulluar

Kryeministri Edi Rama ka reaguar pas publikimit të programit ekonomik nga Partia Demokratike.

Kuvendi ka përfunduar seancën e sotme plenare me miratimin e 8 akteve normative.

Ambasadorja amerikane në Tiranë, Yuri Kim ka uruar gjeniun e letrave shqipe, shkrimtarin Ismail Kadare me rastin e 85-vjetorit të lindjes

Ministrja e Infrastrukturës dhe Energjisë, Belinda Balluku ka folur në Kuvend për aktin normativ që vendos zgjatjen me 3 muaj të afatit t

Partia Demokratike ka prezantuar sot programin ekonomik në kuadër të zgjedhjeve të 25 prillit.

Kryetari i KQZ-së Ilirjan Celibashi tha se Komisioni Qendror i Zgjedhjeve ka pak kohë në dispozicion për votën e emigrantëve.

Ambasadorja amerikane në vendin tonë, Yuri Kim është takuar me ministren e Drejtësisë Etilda Gjonaj me të cilën diskutoi për Reformën në