Spartak Braho e konfirmon: Djali im i vetëofrohet PS për bashkinë e Durrësit

18/02/2019 - 17:10

Deputeti socialistë, Spartak Braho në një intervistë për “Gazetën Shqiptare”, teksa komenton protestën e opo-zitës, shprehet se ngjarjet që shoqëruan 5 orët e tubimit para Kryeministrisë ishin fundi i një “komedie me aktorë politikë që bllofuan se do luanin tragjeditë e Eskilit”.

Gjithashtu, ai shprehet se me vendimin për të djegur mandatet PD po bën vetëvrasje politike. Pavarësisht kësaj mase ekstreme, ai thekson se kjo nuk do ta pengojë Partinë Socialiste që të qeverisë deri në fund të mandatit që i kanë dhënë shqiptarët. “Do të jetë një vetëvrasje tjetër në kushtet e dëshpërimit. Në dëshpërim njeriu vetekzekutohet. Po jeta parlamentare vazhdon edhe më pas pasi mazho-ranca i ka 80 deputetë”, – shprehet Braho.

Jo vetëm kaq, por duke e konsideruar si diletantizëm sjelljen e PD dhe LSI, ai thekson se me këtë lloj opozite Partia Socialiste do fitojë edhe zgjedhjet e 2022. “Maxhoranca do vazhdojë të qeverisë deri 2026 me këtë opozitë që çdo 6 muaj “vret veten” por pa mendjemadhësi”, thekson Braho në këtë intervistë, ndërsa hedh poshtë çdo lloj mundësie për ripër-sëritjen e një marrëveshje të ngjashme me atë të majit të 2017 mes PD dhe PS. Duke folur për zgjedhjet vendore në qarkun e Durrësit ku ai bën dhe jetën politike partiake, Braho nuk e fsheh dëshirën e djalit të tij për të kandiduar për kryetar të Bashkisë së Durrësit. Sipas tij kjo dëshirë vjen për shkak të kontributit që djali i tij, Arbër Braho ka dhënë si nënkryetar i kësaj bashkie prej 5 vitesh. “Është vetëm një dëshirë e tij në mbështetje dhe si një kandidaturë që mendon t’i ofrohet Partisë Socialiste meqenëse ka 5 vjet si nënkryetar i Bashkisë së Durrësit”,- thekson Braho në këtë intervistë.

Zoti Braho, opozita protestoi dje për rreth 5 orë para Kryeministrisë ku nuk munguan as aktet e dhunës sidomos ndaj godinës. Keni ju një koment, si i patë ngjarjet e ndjeshme?
E ndoqa protestën aq sa munda nëpërmjet ekranit të televizionit dhe ajo që mund të them lidhur me pyetjen tuaj është se ngjarjet e djeshme ishin fundi i një komedie me aktorë politikë që bllofuan se do luanin tragjeditë e Eskilit.

Duket se jemi në kushtet e njëjta me ato të para dy viteve, ku para zgjedhjeve të përgjithshme opozita pas disa protestave u ngujua në çadrën para Kryeministrisë. Nisur edhe nga paralajmërimi i opozitës për të vijuar sërish të enjten protestën, çfarë duhet të bëjë mazhoranca tani?
Mazhoranca do vazhdojë të qeverisë deri 2026 me këtë opozitë që çdo 6 muaj “vret veten”, por pa mendjemadhësi.

Intervistën e plotë e gjeni në Gsh.al

/portali DurresLajm/

Na bëni like në facebook!: 

Lajme nga e njëjta kategori

Zëdhënësi i presidencës, Tedi Blushi, ka reaguar pas opinionit të Komisionit të Venecias për paketën anti-shpifje.

Kryeministri Edi Rama ka reaguar për lajmin që një faqe italiane lajmesh, Pianeta Italia News, publikoi tre vite më parë, lajmin sipas të

Presidenti Ilir Meta, në një deklaratë për mediat, i pyetur në lidhje me deklaratën e ambasadores amerikane Yuri Kim se “topi është në an

Presidenti Ilir Meta tha se e rëndësishme është të shkohet në zgjedhje të gjithëpranuara.

Ish-deputetja demokrate, Jorida Tabaku ka reaguar në lidhje me deklaratën e kryeministrit Edi Rama se po shikohet mundësia që të hiqen ta

Duke folur për rastin e rëndë të përdhunimit të 15-vjeçares nga roja i shkollës në Babrru, kreu i Komisionit të Ligjeve Ulsi Manja tha se

Partia Demokratike e ka quajtur lajm të rremë lajmin e publikuar një ditë më parë, nga zyra e shtypit të Bashkisë së Tiranës, që sipas sa

Presidenti Meta është solidarizuar me protestën e djeshme kundër abuzimit dhe dhunës ndaj vajzave dhe grave.

Nga një aktivitet i cili ishte “armik” i natyrës dhe një njollë e zezë e kryeqytetit, Landfilli i Sharrës është shndërruar totalisht duke