“Varfëria nuk zgjidhet as me propagandë”, Meta: Ora e përballjes po afron

17/10/2020 - 11:20

Për Presidentin Ilir Meta, me ‘përshkallëzimin e krizës së rëndë politike e institucionale, veçanërisht pas shkeljes brutale të Marrëveshjes konsensuale të 5 Qershorit’, dhe në kushtet e pandemisë, situata sipas kreut të shtetit pritet ‘të përkeqësohet drejt një katastrofe ekonomike kombëtare’.

Kjo thekson Meta, ‘duhet parandaluar në kohë’.

Në një postim në rrjetet sociale, kreu i shtetit thotë se është “koha të veprojmë të gjithë së bashku për të arritur drejtësinë sociale të munguar. Shqiptarët do ta marrin në dorë sovranitetin dhe jam i bindur se zëri i tyre, jo vetëm do dëgjohet, por të kumbojë aq fort sa të shkallmojë shurdhërinë edhe në zyrën më të humbur të shtetit.

ZËRI I POPULLIT, ZËRI I ZOTIT!

ORA E PËRBALLJES PO AFRON!”.

POSTIMI I PLOTE:

Dita Ndërkombëtare për Çrrënjosjen e Varfërisë, e gjen Shqipërinë në një gjendje tepër të rëndë ekonomike, sipas raporteve të organizatave të huaja prestigjoze.

Banka Botërore në konkluzionet e fundit vjetore e rendit vendin tonë me recesionin më të lartë në rajon, me një rënie të madhe ekonomike që parashikohet nga – 8% në -9% për vitin 2020.

Edhe për shkak të pandemisë COVID-19, me mijëra biznese janë mbyllur, ndërkohë që niveli i papunësisë krahasuar me një vit më parë ka arritur në 11.9% në gjashtë mujorin e parë të vitit.

Dërgesat nga diaspora janë ulur ndjeshëm duke ndikuar në një rënie drastike të të ardhurave të familjeve më në nevojë, që reflektohen në uljen e konsumit.

Tronditës është fakti se niveli i popullsisë që jeton me më pak se 5.5 USD/ditë është rritur në 41.5%, nga 35.6% krahasuar me vitin e kaluar.

Niveli i varfërisë në Shqipëri, rezulton 2 herë më i lartë se në të gjitha vendet e rajonit, ku konkretisht kjo përqindje rezulton:

në Maqedoninë e Veriut 23.3 %,

në Kosovë 22,9%,

në Malin e Zi 20,4%

në Serbi 18,9%.

Me përshkallëzimin e krizës së rëndë politike e institucionale, veçanërisht pas shkeljes brutale të Marrëveshjes konsensuale të 5 Qershorit, dhe në kushtet e pandemisë, situata pritet të përkeqësohet drejt një katastrofe ekonomike kombëtare, që duhet parandaluar në kohë.

Varfëria është dhunim flagrant i të drejtave të njeriut, ndaj lufta për çrrënjosjen e këtij fenomeni në radhë të parë është luftë për të garantuar dinjitetin e çdo qytetari dhe drejtësinë sociale, aq të domosdoshme, që meriton një shoqëri si e jona, për t’u zhvilluar sipas standardeve europiane.

Varfëria nuk zgjidhet as me propagandë, as me statistika nga televizori, as me një thes miell, as me nxitjen e fenomeneve kriminale si kanabisi, që dihet se çfarë dëmesh dhe pasojash tepër të rënda sociale kanë shkaktuar.

Është e papranueshme që një grusht oligarkësh dhe banditësh, siç është edhe mafia e inceneratorëve, të pasurohen çdo ditë me miliona euro të taksapaguesve shqiptarë, ndërsa një qytetar në nevojë apo një pensionist me fëmijët në emigracion të mbijetojë me 5.5 USD/dita, në kushtet e rritjes së shfrenuar të çmimeve.

Çdo i varfër në Shqipëri dhe çdo qytetar i ndershëm, më shumë se për solidaritet ka nevojë sot t’i dëgjohet zëri i tij.

Ndaj është koha të veprojmë të gjithë së bashku për të arritur drejtësinë sociale të munguar.

Shqiptarët do ta marrin në dorë sovranitetin dhe jam i bindur se zëri i tyre, jo vetëm do dëgjohet, por të kumbojë aq fort sa të shkallmojë shurdhërinë edhe në zyrën më të humbur të shtetit.

ZËRI I POPULLIT, ZËRI I ZOTIT!

ORA E PËRBALLJES PO AFRON!

/portali DurresLajm/

Na bëni like në facebook!: 

Lajme nga e njëjta kategori

Prej ditësh debati politik është fokusuar tek inceneratorët, ku njëri ndër më të përfolurit është ai i Sharrës.

Ish-ministri i Mjedisit Lefter Koka, ka argumentuar në emisionin OPEN në Top Channel se reforma në menaxhimin e mbetjeve ishte një domosd

Partia Drejtësi, Integrim dhe Unitet njofton se të martën do të zhvillojë një protestë përpara Ministrisë së Jashtme pasi në kryeqytet vj

Kreu i degës së Partisë Demokratike në Durrës, Ferdinand Xhaferraj, ishte sot në tregun industrial të qytetit, ku takoi nga afër tregtarë

Kryeministri Edi Rama ditën e sotme ka qenë në një shkollë në Lezhë ku ka prezantuar edhe platformën online “Akademi.al” duke thënë se do

Presidenti Ilir Meta ka replikuar me analistin dhe pedagogun Agron Gjekmarkaj, pas kritikave të këtij të fundit për dhënien e dekoratave,

Deputetja e Partisë Socialiste, Blerina Gjylameti ka kujtuar vëllain e saj, që humbi tragjikisht jetën një vit më parë në një aksident me

Presidenca i është përgjigjur kryeministrit Edi Rama pas deklaratës së këtij të fundit se Presidenti i Republikës në kohë paqeje nuk koma

Kryeministri Edi Rama i ka dërguar një mesazh të qartë Metës pasi ky i fundit dha mesazhe kërcënuese ditën e sotme.

Ditën e sotme kryetari i Partisë Demokratike, Lulzim Basha ka zhvilluar një konferencë për mediat, ku ka prezantuar platformën anti-korru