Vendimi për Dritan Dajtin, PD: Praktikisht i liruar nga drejtësia e re e Edi Ramës

10/02/2019 - 17:16

Partia Demokratike reagoi ashpër pas vendimit të Gjykatës së Apelit për t’i hequr burgimin e përjetshëm Dritan Dajtit, i akuzuar për vrasjen e 4 policëve. Në një njoftim për mediat, PD shkruan se "3 ditë me vonesë, të shtrënguar nga presioni ndërkombëtar dhe revolta e opinionit publik, kukullat e Edi Ramës në Ministrinë e Brendshme dhe në Ministrinë e Drejtësisë u bënë pjesë e teatrit kriminal me aktor Dritan Dajtin dhe regjisor Edi Ramën".

Sipas PD-së "lotët e krokodilit nuk e ndryshojnë dot faktin se vrasësi i 4 Dëshmorëve të Atdheut, Dritan Dajti, është praktikisht i liruar nga drejtësia e re e Edi Ramës".

"Shqiptarët mund të gënjehen njëherë, por jo përgjithmonë! Në vend që t’u besojnë kërcënimeve qesharake të eunukut të Ramës në Ministrinë e Brendshme, shqiptarët e dinë se karrigia e Edi Ramës është blerë nga votat e krimit të organizuar, i cili, fatkeqësisht, nuk luftohet dot me lotë krokodili", shkruan PD.

PD parashtron faktet që sipas kësaj force politike janë kokëforte:

"Edi Rama kishte nën kontroll Gjykata e Lartë, kur ajo zhvlerësoi dënimin me burgim të përjetshëm për Dritan Dajtin dhe i hapi rrugë vendimit skandaloz që siguron lirinë e shpejtë të një prej kriminelëve më të tmerrshëm. Edi Rama, njeriu që përgojon gjithë Tiranën, heshti kur Gjykata e Lartë ndihmoi Dritan Dajtin, heshti edhe 3 ditë më parë, pas vendimit skandaloz për Dritan Dajtin. Në qeverisjen e Edi Ramës të gjithë bandat dhe kriminelët më të rrezikshëm janë lënë të lirë, që nga Hakmarrja për Drejtësi, Banda e Durrësit tek Banda e Lushnjës dhe trafikantët ndërkombëtarë të kokainës në Xibrakë.

Në vend të lotëve të krokodilit për një vendim të dirigjuar nga Edi Rama, Ministrja e Drejtësisë duhet t’i kërkojë prokurorisë që të zbardhë përgjimet nga burgu të Dritan Dajtit dhe t’u thotë shqiptarëve:

Me kë komunikon nga burgu Dritan Dajti?

Kë shantazhon nga burgu vrasësi i 4 policëve në krye të detyrës?

Kush i ka dalë Dritan Dajtit garant për lirimin e tij të shpejtë?

Pyetjet janë konkrete dhe kërkojnë përgjigje konkrete, jo lojra fjalësh e mashtrime për shkarkime gjyqtarësh nga qeveria që ka në dorë të shkarkojë Vangjush Dakon, por vazhdon ta mbrojë atë për blerjen e votave në bashkëpunim me të ngjashmit e Dritan Dajtit.", e mbyll njoftimin e saj PD.

/portali DurresLajm/

Na bëni like në facebook!: 

Lajme nga e njëjta kategori

Sot pas përfundimit të protestës tek Unaza e Re, policia ka shoqëruar në komisariat ish-deputetin demokrat Klevis Balliu dhe disa protest

Menjëherë pas lajmit se është shoqëruar në polici ish-deputeti i PD-së, Klevis Balliu dhe disa protestues tek Unaza e Re, ka reaguar mini

Edhe sekretari i përgjithshëm i LSI-së, Endrit Braimllari ka shkuar në mbështetje të banorëve të Unazës së Re.

Kryeministri Edi Rama ishte ditën e sotme në qytetin bregdetar të Vlorës, ku vlerësoi punën e të gjithë aktorëve për ndërhyrjet në restau

Kryetari i Grupit Parlamentar të Partisë Socialiste Taulant Balla, njofton hartimin e një Rezolute në Kuvendin e Shqipërisë kundër ndërhy

Kryetari i Partisë Demokratike Lulzim Basha akuzon Kryeministrin Rama për burgosjen e tre protestuesve të “Astirit”, të cilët akuzohen pë

Ditën e sotme Gjykata e Tiranës la në burg tre qytetarët e Unazës së Re, të cilët protestuan kundër projektit që prek banesat e tyre.

Kryeministri Edi Rama ka publikuar disa foto nga investimet që po kryhen në vijën bregdetare të Durrësit dhe Kavajës.