Video për ambasadorin e BE dhe zv.ministren, Meta: Do kërkojmë nisjen e hetimeve për urdhëruesit e këtij shantazhi

14/02/2020 - 12:50

Presidenti lir Meta do t’i kërkojë institucioneve të drejtësisë të hetojnë shantazhin ndaj ambasadorit të BE në Tiranë Luigi Soreca dhe një zëvendësministreje.

Lajmin e ka dhënë zëdhënësi i Presidencës, Tedi Blushi, i cili shkruan në Facebook se Meta i bën thirrje gazetarëve të distancohen urgjentisht nga çdo skenar i fabrikimit të lajmeve të rreme me qëllim shantazhimin e Ambasadorit të BE dhe çdo diplomati tjetër në Tiranë.

POSTIMI I PLOTË

Presidenti i Republikës Sh.T.Z Ilir Meta u njoh sot nëpërmjet medias me shqetësimin e rëndë të bërë publik nga ambasadori i Delegacionit të Bashkimit Europian në Shqipëri, Sh.T.Z Luigi Soreca, lidhur me përhapjen e qëllimtë dhe dashakeqe të disa lajmeve për gjoja ekzistencën e një video kompromentuese, me qëllim goditjen e pastërtisë së figurës së Tij.

Presidenti Meta duke shprehur solidaritetin e Tij të plotë me ambasadorin e BE, si edhe me një zv/ministre të Qeverisë, e cila mësohet se gjithashtu është përfolur paturpësisht në këtë çështje, bën me dije se shumë shpejt do t’i kërkojë zyrtarisht institucioneve të drejtësisë, Policisë së Shtetit dhe Shërbimit Informativ Shtetëror, të nisin menjëherë hetimet për zbardhjen pa asnjë vonesë të autorëve dhe urdhëruesit të këtij shantazhi të dënueshëm ndaj dy autoriteteve.

Presidenti Meta i bën thirrje gazetarëve të distancohen urgjentisht nga çdo skenar i fabrikimit të lajmeve të rreme me qëllim shantazhimin e Ambasadorit të BE dhe çdo diplomati tjetër në Tiranë.

Presidenti Meta fton median, opinionin publik, dhe në veçanti shoqërinë civile, të solidarizohen dhe të dënojnë këtë shantazh të paprecedent, si dhe të përqendrohen në denoncimin dhe distancimin nga aktet e rënda të Rilindjes, për kapjen e sistemit të drejtësisë, në veçanti të Gjykatës Kushtetuese, siç ishte rasti më i fundit skandaloz i miratimit të ligjit anti-kushtetues për instalimin e KRYEKÇK-së, vetëm pak orë para mbërritjes në Tiranë të Komisionit të Venecias, të kërkuar nga vetë Kuvendi.

Presidenti Meta do të forcojë edhe më shumë bashkëpunimin e Tij të ngushtë me BE-në, dhe do të kërkojë hetim të përbashkët për situatën tepër të rëndë dhe të patolerueshme në Gjykatën Kushtetuese dhe Gjykatën e Lartë.

Presidenti Meta është i palëkundur në vendosmërinë e Tij për të mbrojtur vlerat europiane, nëpërmjet rivendosjes së besimit dhe integritetit të institucioneve të reja të drejtësisë, me besnikëri të hekurt ndaj Kushtetutës së Republikës së Shqipërisë.

Vetëm në këtë mënyrë do të garantojmë çeljen e negociatave për anëtarësim në BE dhe sundimin e ligjit në vend. 

/portali DurresLajm/

Na bëni like në facebook!: 

Lajme nga e njëjta kategori

Deputeti Lefter Koka ka kujtuar sot 30-vjetorin e eksodit të madh të shqiptarëve drejt Italisë, një ndër të cilët ishte edhe ai vetë.

Kryetari i Partisë Demokratike, Lulzim Basha ka publikuar në rrjete sociale mesazhin e kreut të të rinjve te PPE, i cili bën thirrje që m

Kryeministri Edi Rama i dha një mesazh politikës italiane nga Brindizi, ku u zhvillua një ceremoni në kuadër të 30-vjetorit nga eksodi ma

Deputetja Reme Lala e cila pranoi të garojë në zgjedhjet e 25 prillit nën siglën e PS ka dhënë dorëheqjen papritur.

Presidenti Ilir Meta ka vlerësuar me titullin e lartë "Kalorës i Urdhrit të Skënderbeut", ish-volejbollistin e shquar shqiptar, Hysen Dom

Pas Vasilika Hysit dhe Besnik Bares, një tjetër deputet i Partisë Socialiste lajmëron largimin nga politika.

Gjatë konferencës së përbashkët me kryeministrin Edi Rama, ministri i Jashtëm italian, Luigi Di Maio shprehu mbështetje të madhe në proce

Gjatë vizitës së tij në Puglia kryeministri Edi Rama është vlerësuar me çmimin “Rrënja e Puglia-s”.

Ministrja për Evropën dhe Punët e Jashtme Olta Xhaçka ka publikuar pamjet e eksodit të shqiptarëve drejt Italisë 30 vite më parë, ku mijë

Ministrja e Infrastrukturës dhe Energjisë, Belinda Balluku folur për herë të parë në lidhje me denoncimin e bërë në SPAK nga Partia Demok