21 biznesmenë nga Estonia, interesim të veçantë për portin e Durrësit (FOTO)

19/10/2018 - 14:31

Një grup biznesmenësh nga Estonia, që zhvillojnë veprimtarinë e tyre kryesisht në fushat e logjistikës dhe transportit, vizituan sot portin e Durrësit, ku veç takimeve prezantuese vizituan edhe disa nga Terminalet portuale.

Grupi prej 21 biznesmenësh të Shoqatës Prolog u prit nga znj. Sonila Toska, zv/drejtore e Përgjithshme Ekzekutive e APD, e cila bashkë me përshëndetjet e mikpritjes nënvizoi edhe disa nga zhvillimet e fundit në portin më të madh të vendit. Më pas, shefi i Sektorit të Promocionit në APD, Arben Xhemali, prezantoi situatën portuale dhe iu përgjigj interesimit të biznesmenëve nga Estonia.

Tonis Hinstov, Tom Annikve dhe Jaanus Paas, pasi falënderuan për mikpritjen, folën mbi funksionimin e Shoqatës PROLOG dhe u ndalën tek interesat e veçanta të biznesit estonez në fushat e teknologjisë së informacionit, si dhe të energjisë dhe infrastrukturës.

Një ditë më parë në një Forum të përbashkët biznesi Shqipëri – Estoni në Tiranë, ministri i Infrastukturës dhe Energjisë Damian Gjiknuri, shpjegoi se, përveç investimeve në infrastrukturë rrugore, Shqipëria po punon edhe për infrastrukturën portuale dhe hekurudhore. Ndërkohë, ministri i Turizmit Blendi Klosi, i vuri theksin pikërisht rritjes së bashkëpunimit për të shtuar praninë e turistëve në bashkëpunimin mes dy vendeve. 

Bashkëpunimi tregtar mes Shqipërisë dhe Estonisë është akoma në nivele modeste, dhe vizita e biznesit estonez në Durrës, si dhe Forumi i zhvilluar në Tiranë shërbejnë për të rritur më shumë këtë bashkëpunim.

/portali DurresLajm/

Na bëni like në facebook!: 

Lajme nga e njëjta kategori

Një delegacion i KFOR-it zhvilloi mesditën e së martës vizitë njohëse në Portin e Durrësit, vizitë kjo e kryer në bazë të bashkëpunimit t

Rreth 4600 udhëtarë me 1 mijë autovetura kanë ardhur këtë të hënë më 12 gusht në portin e Durrësit.

Mbi 46 mijë udhëtarë me 11 mijë autovetura kanë shfrytëzuar portin e Durrësit për lundrimet me tragete vetëm në 5 ditët e para të muajit

Gjashtë anije tregtare me mbi 22 mijë tonë mallra të ndryshme pritet të akostohen gjatë kësaj fundjave në kalatat e portit të Durrësit.

Rreth 2600 udhëtarë kanë mbërritur mëngjesin e kësaj të hëne në Durrës me 3 tragete.

*Intervistë me Drejtorin ekzekutiv të Autoritetit Portual Durrës, Agron Tare

Superjahti “6711 GEO”, që u akostua sot paradite në portin e Durrësit i shtohet listës së 204 jahteve të tjerë që kanë mbërritur që nga f

Anija ushtarake turke “TCG BAYRAKTAR L 402”, do të jetë e hapur për t’u vizituar nga çdo qytetar që shfaq interes, këtë të mërkurë në kët

Në Terminalin e Kontejnerëve në portin e Durrësit në 6 muajt e parë të këtij viti janë përpunuar 70.483 njësi kontejnerike TEU gjithsej.

Mbi 12 mijë udhëtarë kanë mbërritur në Durrës me tragete gjatë javës së parë të muajit korrik, ndërsa rreth 6.500 të tjerë