Durrës. Anija luksoze “Seven Seas Mariner” me 689 turistë në bord

19/09/2014 - 19:54

 

DURRËS, 19 shtator 2014 –  Vjen për herë të tretë në Durrës krujz-i (anglisht: cruise) i famshëm amerikan Seven Seas Mariner, ndërkohë që bizneseve tregtare të rrugës së Vilës, bulevardeve “Taulantia” dhe “Dyrrah” u shtohet njëfarë xhiroje në këtë periudhë pas-verore.

Zyra e shtypit e drejtorisë së përgjithshme ekzekutive të entit shtetëror Autoriteti Portal Durrës (APD) njofton se të premten, më 19 shtator 2014, rreth orës 7:30 të mëngjesit, në Portin e Durrësit u bregëzua anija luksoze turistike  Seven Seas Mariner.

Kroçera ka në bord 689 turistë, mes të cilëve 365 amerikanë, 159 britanikë, 44 austrialianë etj.

Në dispozicion u vunë Forca e Sigurisë e APD-së, Kapitaneria, Policia Kufitare.

Vizitorët u drejtuan në pikat turistike të Durrësit dhe Tiranës.

Seven Seas Mariner  ka ardhur nga porti i Korfuzit (Greqi), ndërsa në orën 18:00 të 19 shtatorir do të lundrojë në drejtim të Splitit (Kroaci).

Seven Seas Marinerështë anija e tretë turistike që viziton Portin e Durrësit brenda shtatorit, ndërsa, po brenda këtij muaji, priten dhe tre të tjera.

 JA ÇFARË U THUHET TURISTËVE PËR DURRËSIN

Durrësi, që ndodhet në bregdetin qendror shqiptar, rreth 33 km në perëndim të kryeqytetit, Tiranës, është qyteti më i lashtë dhe një nga më të rëndësishmit nga pikëpamja ekonomike të Shqipërisë, në brigjet e detit Adriatik në Mesdhe.

Ndërsa janë ndërtuar shumë ndërtesa të reja publike dhe banimi, janë ruajtur monumente të qytetit të lashtë, si Monumenti i Rezistencës.

Pastaj janë amfiteatri i antik, një stadium shumë mbresëlënës i ndërtuar nga romakët në shekullin e dytë, që shtrihet deri buzë detit, pra, mos u ngutni dhe vizitoni një Kolose romak mrekullisht të pacenuar në mes të qytetit.

Ndërsa zonat kryesore rekreative të Durrësit shtrihen në bregdet, me plazhet me rërë dhe ujëra të kthjellëta, qyteti ka shumë parqe dhe kopshte me lule. Vizitoni teatrin në natyrë [veror] që është ndërtuar në kodrat e qytetit.

Mes ndërtesave të tjera të rëndësishme janë biblioteka kryesore, xhamia Fatih, teatri dhe estrada “Aleksandër Moisiu”, si dhe disa muze, si ai arkeologjik dhe vila e Ahmet Zogut.

Info                                                      

Seven Seas Marinerështë anije turistike e tipit  cruise (italisht:  crociera) në pronësi të kompanisë amerikane  Regent Seven Seas Cruises, me seli në Florida.

Në vitin 2002 mori çmimin “Anija e Vitit”.

Porti i regjistrit: Bahamas, Nassau; ndërtuar nga Chantiers de l'Atlantique në Sen-Nazer (Saint-Nazaire), Francë, në shërbim nga viti 2001.

Ka këto karakteristika: tonazhi 48.075 tonë, gjatësia 216.1 m, gjerësia 28.3 m, 8 kuverta, shpejtësia 20 nyja (37 km /orë), kapaciteti 700 udhëtarë, ekuipazhi 445 veta.

/th. m. agjencia e lajmeve “Dyrrah”/

/portali DurresLajm/

Na bëni like në facebook!: 

Lajme nga e njëjta kategori

Objektet e zbuluara në ujrat detare pranë Durrësit së shpejti do të vendosen së bashku në Muzeun Arkeologjik, i cili kohët e fundit ka ma

Turistët nga SHBA, Franca dhe Gjermania kanë qenë vizitorët më të shumtë me kroçera në portin e Durrësit.

Situata e paqëndrueshme meteorologjike, e cila vazhdon të jetë prezente në Gjirin e Durrësit, ka ndikuar edhe në veprimtarinë e Portit të

Kapitaneria e Portit të Durrësit njofton se për shkak të motit të paqëndrueshëm që ka përfshirë Adriatikun Jugor, janë krijuar vonesa në

-Më shumë anije, tragete, kroçera dhe jahte se një vit më parë...

Autoriteti Portual Durrës ka shpallur vend vakant për punonjës sigurie, në Drejtorinë e Forcës së Sigurisë Portuale Durrës.  

Sot në mengjes, në portin e Durrësit u akostua kroçera “Amera” me 752 turistë në bord.

Moti i keq me reshje shiu dhe erë të fuqishme, ka ndikuar dhe në vonesën e trageteve që udhëtojnë përmes portit të Durrësit. Në det të ha

Fatbardh Omeri dhe Eduart Plaku, janë dy palombarët e APD-së, të cilët veç detyrave të përditshme për kontrollet nënujore brenda basenit

Mëngjesin e së hënës, është prezantuar drejtori i ri i Autoritetit Portual Durrës, Pirro Vengu.