Këto janë kroçera dhe veliera që mbërritën sot në Durrës (FOTO)

Postuar: 05/09/2017 - 09:44

Kroçera “Sirena” dhe veliera “Sea Cloud” janë dy anijet turistike që u ankoruan sot në orët e para të mëngjesit në kalatat 4 dhe 5 të portit të Durrësit.

Kroçera “Sirena” me flamur të ishujve Marshall ka një gjatësi prej 181 metra dhe u ankorua në kalatën 5. Në bordin e saj udhëtojnë 641 turistë, 343 nga të cilët nga SHBA. Pjesa tjetër vijnë nga 24 vende të tjera të botës, kryesisht nga Zelanda e Re, Australia, Britania e Madhe, etj. Më shumë se 10 autobusë të agjencive turistike i kanë shoqëruar turistët nga porti drejt qyteteve historike dhe muzeale të Krujës, Beratit dhe Durrësit.

Nga të dhënat e Qendrës së Informacionit, mësohet se kroçera “Sirena” ka lundruar gjatë natës nga Korfuzi (Greqi) drejt Durrësit, ndërsa sot rreth orës 19.00 do të vijojë turin drejt portit të Kotorrit (Mali i Zi).

Veliera “Sea Cloud”, e cila do të mbërrijë sërish edhe pas 10 ditësh në Durrës, u ankorua sot në kalatën 4. Ajo ka një numër turistësh prej rreth 60 vetash. Anija me gjatësi 109 metra ka mbërritur në Durrës nga Saranda dhe në mbrëmje do të lundrojë drejt Kotorrit.

Të dyja anijet janë ankoruar disa herë në portin më të madh të vendit.

/portali DurresLajm/

Na bëni like në facebook!: 

Lajme nga e njëjta kategori

Autoriteti Portual i Durrësit është gati të hapë garën tenderuese për projektin e thellimit të kanalit hyrës në port.

Lirohet nga detyra drejtori ekzekutiv i Portit të Durrësit, Artjan Qirici.

Reshjet e shiut që kanë nisur që të hënën paradite pritet të pengojnë edhe sot përpunimin e disa anijeve, veçanërisht atyre që shkarkojnë

Drejtuesit e APD kanë pritur në një  takim njohjeje dhe pune, një grup të madh përfaqësuesish të kompanive dhe bizneseve nga Italia.

Gjatë muajit janar të këtij viti, në kalatat e portit të Durrësit janë përpunuar 42 anije dhe 79 tragete me mbi 280 mijë tonë mallra e af

Shtatë anije me afro 33 mijë tonë mallra gjithsej parashikohet të mbërrijnë sot në portin e Durrësit.

Gjatë muajit të kaluar në kalatat e portit të Durrësit janë përpunuar mbi 280 mijë tonë mallra, ose 67.230 tonë më shumë se sa në janarin

Sot paradite në kalatat e portit të Durrësit janë në proces përpunimi tri anije, ndërsa gjatë ditës priten edhe dy anije të tjera.

Drejtori i Përgjithshëm Ekzekutiv i APD, Artjan Qirici, prezantoi tre ditë më parë drejtorin e ri të Forcave të Sigurisë Portuale, FSPD,