Në 7 muaj, dy anije ngarkojnë 90 % të çimentos për eksport

22/08/2017 - 14:48

*6.5 herë më shumë çimento për eksport krahasuar me 7-mujorin 2016

Në periudhën janar – korrik të këtij viti nga porti i Durrësit janë transportuar drejt porteve të tjerë afro 194 mijë tonë çimento për eksport, një sasi 6.5 herë më e madhe se sa ajo që është ngarkuar në anijet e transportit gjatë 7-mujorit të parë të vitit 2016.

Ndërkaq, që nga fillimi i muajit gusht në Terminalin Lindor të portit të Durrësit dy anije janë ngarkuar me 7850 tonë çimento për eksport gjithsej, një anije po ngarkohet aktualisht në kalata dhe e fundit është ankoruar në radën portuale në pritje të ngarkesës. Dy anije, “Sirios Cement 1” dhe “Edra IV”, që nga fillimi i vitit, kanë ngarkuar më shumë se 90 për qind të çimentos për eksport, ndërsa pjesa tjetër është ngarkuar në anijet “Vela 1” dhe “Seaven Luck”.

Nga të dhënat operative të Qendrës së Informacionit në APD, mësohet se anija “Sirios Cement 1” ka mbërritur në port 15 herë radhazi duke u ngarkuar mesatarisht me 10 mijë tonë çimento për eksport në çdo lundrim. Për herë të parë gjatë këtij viti kjo anije është ankoruar në port më 24 janar dhe ka ngarkuar një sasi prej 7500 tonë çimento.  Anija “Sirios Cement 1” me gjatësi 139 metra ka ngarkuar 15 herë sasi të ndryshme nga 4.500 tonë deri në 12.500 tonë çimento.

Pjesa tjetër e çimentos për eksport është ngarkuar në anijen tregtare “Edro IV”, e cila ka marrë rregullisht sasinë prej 2650 tonë për çdo lundrim.

Çimento e prodhuar në fabrikat pranë Fushë-Krujës dhe që shfrytëzohet për industrinë e ndërtimit i është drejtuar më pas porteve të Margheras (Itali) dhe të Maltës.

/portali DurresLajm/

Na bëni like në facebook!: 

Lajme nga e njëjta kategori

Në 10 ditët e para të muajit dhjetor, tragetet janë shfrytëzuar nga 11.750 udhëtarë me 1.931 autovetura gjithsej.

Në dy lajme të publikuara me burim nga Tirana dhe Prishtina, Agjencia Telegrafike Shqiptare ka bërë të njohur informacionin mbi hapjen e

Tragetet e linjave Durrës – Bari dhe Durrës –Ankona e kthim gjatë periudhës janar-nëntor të këtij viti, kanë transportuar më shumë mallra

Katër anije tregtare me rreth 11 mijë tonë mallra po përpunohen këtë të mërkurë në kalatat 1 - 5 të Terminalit të Mallrave Gjenerale (i n

Mbi 34 mijë udhëtarë kanë preferuar të lundrojnë me tragete nga/drejt Durrësit gjatë muajit nëntor të këtij viti.

Këto ditë sipas Institutit të Statistikave INSTAT, në strukturën e transportit të mallrave me det, hekurudhë dhe ajër, kryeson ai detar,

Plan Biznesi i vitit 2019 u paraqit sot paradite në një takim të zgjeruar, ku bashkë me përfaqësues të grupeve të interesit morrën pjesë

Autoriteti Portual i Durrësit, edhe këtë vit është pjesëmarrës në Panairin Ndërkombëtar të Tiranës 2018, i cili hapi dyert mbrëmjen e kal