Kosovë, Basha në vizitë zyrtare: Kundër gazit në parlament

10/03/2016 - 17:36

Kryetari i Partisë Demokratike të Shqipërisë, Lulzim Basha ka deklaruar në Prishtinë se PD kërkon një Kosovë të fortë, një shtet të konsoliduar të së drejtës, demokraci funksionale dhe bashkim të gjithë energjive për rritjen e numrit të njohjeve dhe adresimin e prioriteteve të qytetarëve të Kosovës. Basha, gjatë vizitës së sotme në Kosovë, është takuar me krerët e pozitës, dhe me presidenten në largim, Atifete Jahjaga, dhe me përfaqësuesit e opozitës.

Pas një takimi me kryetarin e Kuvendit të Kosovës, Kadri Veseli, në një deklaratë për media Basha e Veseli kanë deklaruar se kanë diskutuar për situatën politike në Kosovë dhe në Shqipëri, si dhe për bashkëpunimin midis opozitë parlamentare në Shqipëri dhe formacioneve parlamentare në Kosovë.

Në kohën kur po mbahej takimi mes të dy këtyre liderëve, në po të njëjtën ndërtesë, opozita tentoi të pamundësojë mbajtjen e seancës së sotme, duke hedhur gaz lotsjellës. Në pyetjen drejtuar Bashës se opozita në Shqipëri a do ta marrë për model hedhjen e gazit lotsjellës, ashtu si gjuajtjen me vezë, ai ka deklaruar se nuk do ta marrin për model, duke theksuar se gazi nuk është model për parlamentin.

Basha tha se opozita ka përgjegjësitë e veta për demokracinë dhe se opozita e Shqipërisë po bënë gjithçka për të realizuar përgjegjësit brenda kornizave të një shteti ligjor, e brenda të cilës kornizë është një hapësirë shumë e dobishme për luftën opozitare në Kosovë. Megjithatë, Basha tha se debati, polemika, përplasja demokratike vetëm i shërben demokracisë, ndërsa ngërçi dhe dëmtimi i premisës për dialog nuk i shërben as demokracisë dhe as konsolidimit të shtetit të Kosovës, e cila është domosdoshmëri për Kosovën dhe për popullin shqiptar.

Basha, gjatë kësaj vizite në Kosovë, pati edhe një mesazh për opozitën dhe për krerët e institucioneve të Kosovës. Mesazhi i tij ishte për një Kosovë te fortë, dhe një shtet te konsoliduar të së drejtës, dhe demokraci funksionale. 

Adresimin e prioriteteve të qytetarëve të cilat kanë të bëjnë me ekonominë, me punësimin, luftën kundër varfërisë, luftën kundër krimit dhe korrupsioni, këto ishin pesë nga prioritetet që sipas Bashës mazhornaca dhe opozita duhet t’i marrin për bazë.

Pas këtyre takimeve, Basha u takua edhe me kryetarin e Komunes se Prishtinës, Shpend Ahmeti.

/portali DurresLajm/

Na bëni like në facebook!: 

Lajme nga e njëjta kategori

Greqia regjistroi 262 raste të reja, duke shënuar dhe ditën me bilancin më të lartë të të infektuarve që prej shpërthimit të pandemisë së

Presidenti i Maqedonisë së Veriut, Stevo Pendarovski i ka dorëzuar mandatin kreut të LSDM-së, njëherë udhëheqësit të koalicionit “Mundemi

Organizmi Kombëtar i Shëndetit në Greqi ka bërë me dije se gjatë 24 orëve të fundit janë regjistruar 262 raste të reja me Covid-19 në ven

Ministria e Shëndetësisë në Maqedoninë e Veriut, informoi se gjatë 24 orëve të fundit nga 1627 teste të realizuara, 139 persona kanë rezu

Greqia ka hyrë formalisht në valën e dytë të pandemisë së koronavirusit.

Greqia hapi zjarr ndaj një mjeti lundrues që transportonte civilë nga ishulli i Rodosit drejt Egjeut, sikurse bëjnë me dije mediat turke 

Ministrja serbe e Drejtësisë, Nela Kuburoviç tha se Serbia kurrë nuk do të heqë dorë nga ndjekja e ish-ushtarëve të Ushtrisë Çlirimtare t

Greqia është tmerruar nga një ngjarje e rëndë mbrëmjen e djeshme në zonën e Kalitheas.

EODY njoftoi sot 126 raste të reja me koronavirus në Greqi, nga të cilat 10 u zbuluan pas kontrolleve në doganat e vendit, duke e çuar nu

Ministria e Shëndetësisë në Maqedoninë e Veriut ditën e sotme ka raportuar se në 24 orët e fundit një person ka humbur jetën  si shkak i