Kosovë, reagon EULEX dhe ambasadori i SHBA: Politika të qëndrojë larg gjykatave

17/03/2016 - 21:08

Misioni i Bashkimit Evropian për Sundimin e Ligjit (EULEX) anulloi sot takimin e Këshillit të Përbashkët për Sundimin e Ligjit, një mekanizëm i përbashkët me qeverinë e Kosovës, duke kërkuar, siç thuhet, një mjedis të paanshëm për gjyqësorin në vend. Në një njoftim të EULEX thuhet se "mbrëmë, në një intervistë televizive, ministri i drejtësisë ka dhënë mendimin e tij lidhur me bazueshmërinë e një rasti penal të profilit të lartë në Gjykatën e Apelit dhe e ka vënë në pikëpyetje vendimin të cilin e kanë marrë gjyqtarët në Gjykatën Themelore në Prishtinë. EULEX thekson se deklaratat e tilla mund të perceptohen si frikësim dhe ndërhyrje politike. Autoritetet e Kosovës duhet të sigurojnë që gjyqësori të gëzojë mbështetjen e duhur për të gjykuar në një mjedis të paanshëm."

Në orët e mbrëmjes, ambasadori amerikan Greg Delawie shkroi në rrjetin social twiiter se "Shtetet e Bashkuara pajtohen. Autoritetet e Kosovës duhet të sigurojnë që gjyqësori kë ketë mbështetjen për të vendosur në një mjedis të paanshëm."

Të mërkurën, ministri i drejtësisë Hajredin Kuçi kishte deklaruar se në asnjë vend në botë nuk ka aktgjykim pa prova, duke ju referuar dënimit me 12 vjet heqje lirie të ish-komandantit të Zonës së Parë të Ushtrisë Çlirimtare të Kosovës, Sami Lushtaku, nën akuzat për krime lufte. Lushtaku është shpallur fajtor për veprën penale të vrasjes së një civili të panjohur shqiptar në shtator të vitit 1998. Rasti i tij aktualisht është duke u shqyrtuar në Gjykatën e Apelit.

Por, sot, ministri Kuçi u tha medieve në Prishtinë se ka biseduar me shefin e EULEX, Gabriele Meucci, dhe se keqkuptimi është tejkaluar.

/portali DurresLajm/

Na bëni like në facebook!: 

Lajme nga e njëjta kategori

Beogradi zyrtar e ka rritur presionin ndaj qytetarëve serbë të Kosovës që në zgjedhjet e parakohshme parlamentare të 6 tetorit, ata të vo

Serbia është e lumtur për faktin që Vatikani nuk e njeh pavarësinë e Kosovës.

“Kosova duhet të pezullojë taksën me Serbinë në mënyrë që të vazhdojë dialog”.

Një kamion me armë dhe municion është kapur nga policia greke, ndërsa në pranga është vënë shoferi.

Sot në qytetin e Shkupit pritet të mbahet protesta kundër diskriminimit dhe rasteve të montuara ndaj shqiptarëve.

Kapet mbi gjysmë ton kokainë në kontejnerë me banane.

Një gjykatë në Prishtinë e dënoi një shtetas të Kosovës me gjithsej 20 muaj heqje lirie nën akuzat për nxitje të veprave terroriste dhe a

Kosova tash e pesë vjet është në defensivë diplomatike karshi agresivitetit diplomatik të Serbisë dhe nuk ka arritur që t’i amortizojë ef

Autostrada Prishtinë–Nish, është projekt i rëndësishëm, pasi jo vetëm që tregon interesin e Serbisë për të zhvilluar infrastrukturën e sa