“Do t’ju shkund nga brekët”, mesazhi i prokurores për gjyqtarët

20/11/2019 - 19:55

Vendimi i Gjykatës së Apelit në Maqedoninë e Veriut për të ndryshuar masën e sigurisë nga arrest me burg në arrest shtëpie të Katica Janevës ka sjellë një përplasje mes prokurores Vilma Ruskoska dhe kolegjit të gjykatësve që morën vendimin.

Shefja e Prokurorisë për Krimin e Organizuar, Vilma Ruskoska i ka dërguar një mesazh një prej gjyqtarëve të trupës që mori vendimin për Janevën duke i thënë “se do tua shkund brekët të gjithëve në Këshill, me hetim financiar”.

“Nëse ti dhe Këshilli e keni liruar Katicën, ta dish se do t'ua shkund brekët të gjithëve në Këshill, me hetim financiar. Për shkak të gjykatësve si ju, kurrë nuk do të hyjmë në BE. Nëse nuk është Këshilli yt, kërkoj ndjesë. Por nëse është, do ta shihni”- shkruhet në mesazhin e saj.

Publikimi i këtij mesazhi ka sjellë reagimin e Gjykatës së Apelit, e cila e cilëson këtë një kërrcënim të hapur dhe cenim të detyrës së gjykatësve.

“Sjellja e këtillë e prokurorit publik paraqet shfrytëzim të pozitës si prokurore publike dhe përmes paraqitjes publike të imponohet ekzistimi i elementit të korrupsionit gjatë veprimit të Këshillit penal dhe të ngitet dyshim i pabazë rreth plotfuqisë dhe ligjshmërisë së vendimit të Këshillit penal”,- thonë nga Gjykata e Apelit.

Prokuroria Publike ka reaguar duke thënë se fjalët e prokurores “duhet të kuptohen si shprehje e dëshpërimit momental”.

Katica Janeva ndërkohë është zhvendosur në banesën e saj pas 92 ditësh në paraburgim. Avokatja e saj e dënoi gjithashtu sjelljen e Ruskoskës duke e cilësuar si skandaloze.

Ish-kryeprokurorja e Prokurorisë Speciale Katica Janeva  është pjesë e të akuzuarve në rastin “Reket”. Ajo akuzohet se në bashkëpunim me dy persona të tjerë Boki 13 dhe Zoran Kiçeecin i kanë zhvatur mbi 1.5 milionë euro biznesmenit Orce Kamçev duke i premtuar lirimin nga burgu.

Skandali i rastit Janeva ishte shumë i rëndë për vendin fqinj, pasi ajo u vendos në krye të prokurorisë speciale, e cila u krijua me mbështetjen e Bashkimit Europian për të hetuar rastet e korrupsionit në nivelet e larta. Rasti “Reket” dëmtoi rëndë besueshmërinë e këtij institucioni pasi në të është përfolur përfshirja e zyrtarëve të lartë, madje edhe vetë kryeministri Zoran Zaev.

/portali DurresLajm/

Na bëni like në facebook!: 

Lajme nga e njëjta kategori

Numri i rasteve të reja me COVID-19 në Maqedoninë e Veriut vijon të jetë problematik.

Presidenti i Serbisë Vuçiç ka përmendur si rast Shqipërinë kur është pyetur për numrin e testeve dhe se nuk po kujdesej sa duhet për të v

Qeveria e Serbisë do të miratojë të premten masa të reja për Beogradin, në përpjekje për të penguar përhapjen e koronavirusit, paralajmër

Prokuroria e Serbisë ka ngritur aktakuzë për krime lufte, kundër shtetasit të Kosovës, Nezir Mehmetaj, konfirmoi për Radion Evropa e Lirë

Regjistrohen 126 raste të reja me koronavirus në Maqedoninë e Veriut brenda 24 orëve të fundit.

“Jam gati të takohem me Thaçin, nëse liderët në Prishtinë vendosin të jenë pjesë e delegacionit për bisedimet e ardhshme” deklar

Vazhdon situata e rëndë me Covid 19 në Maqedoninë e Veriut. Autoritetet shëndetësore kanë publikuar shifrat për 24 orët e fundit.