El Cheka paralajmëron Zaev: Nëse u ndodh diçka vëllezërve tanë në burg, përfundon epoka juaj

05/06/2019 - 07:51

Autori i publikimeve të dhjetëra përgjimeve të krerëve të BDI-së në rrjetet sociale "El Cheka" i ka drejtuar një mesazh kryeministrit të Maqedonisë së Veriut, Zoran Zaev, lidhur me të dënuarit për rastin "Kumanova" Sami Ukshini, Valdet Zekaj e Shefqet Hallaqi.

Ai thotë se ka informacione të sigurta se ndaj tyre po organizohet një komplot dhe paralajmëron Zaev se nëse u ndodh diçka në burg atyre kjo do të shënonte dhe fundin e epokës së tij.

"Vëllezërit tanë Sami Ukshini, Val Zekaj dhe Shek Hallaqi kanë më shumë nevojë se asnjëherë për lutjet tona, pasi siç kam marrë disa informata drejtpërdrejt nga një i punësuar në Prokurorinë e Shkupit, se tre vëllezërit tanë duhet të jenë më vigjilent se kurrë në burgun ku po e vuajnë dënimin", shkruan El Cheka i cili mëngjesin e sotëm ka publikuar përgjime të reja.

Ai i ka porositur shqiptarët që të mos konsumojnë ushqimin që u jepet në burg dhe të mos i lëshojnë qelitë e tyre, por të qëndrojnë të bashkuar, sepse diçka po përgatitet kundër tyre.

"Zoran Zaev duhet ta ketë të qartë se nëse u ndodh diçka mbaron historia e Zaevëve dhe Ahmetit dhe të gjithë bashkëpunëtorëve të tyre. Publikimi i “bombave” të reja do të bëhet gjatë orëve të mëngjesit, sepse sot kemi patur pengesa të shumta", ka shtuar El Cheka në statusin e tij të publikuar në Facebook.

Ai i kërkon kryeministrit Zaev të marrë masa dhe të organizojë një hetim ndërkombëtar pasi në të kundërt do të njoftojë "bombën" për rastin e "Sopotit" dhe afati që i "jep" për një hetim ndërkombëtar dhe marrjen e masave zotit Zaev është 62 ditë.

El Cheka, i cili ka lindur në Kërçovë, aktualisht jeton në Çikago dhe gjatë ditëve të fundit ka publikluar me dhjetëra përgjime në rrjetet sociale.

/portali DurresLajm/

Na bëni like në facebook!: 

Lajme nga e njëjta kategori

Republika e Maqedonisë së Veriut do të marrë datë për fillim të negociatave në tetor, kanë shprehur bindje eurodeputetët Ivo Vajgël, Edua

Arritja e qëllimit të Kosovës për t’u anëtarësuar në Organizatën Ndërkombëtare Policore INTERPOL, do të jetë një sfidë mjaft e vështirë

Greqia dhe Qiproja do të shtyjnë partnerët e tyre të BE për të penalizuar Turqinë, duke përfshirë mundësinë e sanksioneve nëse vërtetohet

Kryeministri i Maqedonisë së Veriut, Zoran Zaev, u ka bërë thirrje vendeve anëtare të Bashkimit Evropian që të caktojnë datën e nisjes së

Presidenti i Serbisë, Aleksandar Vuçiç tha se gjatë dhjetë ditëve të ardhshme do ta ftojë përsëri presidentin e SHBA-ve, Donald Trump, të

Zëvendës-ndihmës sekretari i Shtetit të SHBA-së, Matthew Palmer, në fjalimin e tij në 20 vjetorin e çlirimit të Kosovës, ka thënë se ësht

Ministri i Mbrojtjes i Serbisë, Aleksandar Vulin, vlerësoi se Kosova dëshiron të provokojë një konflikt ushtarak midis NATO-s dhe Serbisë

Parlamenti i Maqedonisë së Veriut ia miratoi dorëheqjen nga posti i deputetit Nikolla Gruevskit, ish-kryeministrit të arratisur në Hungar

Në përfundim të seancës për Kosovën në Kombet e Bashkuara të hënën, ministri i Jashtëm serb, Ivica Daçiç i është afruar nga pas ambasador