Grenell: Trump nuk do të presë gjatë për marrëveshjen Kosovë-Serbi

23/01/2020 - 20:37

I dërguari Special i Presidentit amerikan Donald Trump për dialogun Beograd-Prishtinë Richard Grenell mbërriti në Beograd pasditen e sotme dhe para takimit me Presidentin Aleksandar Vuçiç, tha se kishte një afat kohor të shkurtër për zgjidhjen e marrëdhënieve Beograd-Prishtinë.

Ai ishte i qartë kur tha se Presidenti Trump nuk do të harxhojë kohë pafund nëse nuk sheh asnjë përparim në këtë drejtim.

Grenell mbërriti në Beograd direkt nga Prishtina, të cilës tha se i kishte lënë porosi për heqjen e taksës 100%, por nënvizoi se edhe Serbia në të njëjtën kohë duhet të ndalojë fushatën e lobimit për tërheqjen e njohjeve të pavarësisë së Kosovës.

I pyetur nëse ishte optimist se për arritjen e një marrëveshje përfundimtare mes palëve, ai tha se njerëzit e biznesit dhe qytetarët e thjeshtë po kërkojnë përparim.

"Këto janë gjëra që njerëzit e biznesit e dinë se duhet të ndodhin, njerëzit e zakonshëm e dinë që duhet të ndodhë, por disa politikanë dhe njerëz janë bllokuar në mënyrën e vjetër të të menduarit dhe duan të debatojnë për gjithçka. Ka një hapësirë të vogël dhe SH.B.A. do të përqendrohet në ecjen përpara. Le të hiqen tarifat, por unë gjithashtu do të insistoj që Serbia të ndalojë lobimin kundër Kosovës dhe kjo duhet të ndodhë në të njëjtën kohë. Unë mendoj se ne jemi afër për ta bërë atë të ndodhë. Njerëzit duan të ecin përpara, të shohin përpara dhe të kapërcejnë të kaluarën," tha Grenell.

I pyetur se kur kjo marrëveshje  mund të arrihet dhe cila mund të jetë zgjidhja për marrëdhëniet Prishtinë-Beograd, ai me shaka u përgjigj se nuk e parashikon dot të ardhmen.

"Nëse do të dija të parashikoj të ardhmen, unë do të luaja loto dhe do të zgjidhja numrat fitues dhe do të isha një njeri shumë i pasur. Por nuk e di. Fakti është që ne jemi përqendruar në këto çështje, mbaj mend energjinë që mund të gjendet një zgjidhje, por më duhet të them që ekziston një afat i vogël kohor për këtë, Presidenti Trump nuk dëshiron të humbasë kohën dhe nuk do të lejojë që zgjidhja të zgjasë shumë nëse nuk ka asnjë përparim. Ne nuk duam të humbim kohë ose të imponojmë zgjidhje. Shpresoj që serbët dhe Kosova do të shfrytëzojnë mundësinë që kanë tani"- theksoi Grenell.

Në intervistën për Blic, Ambasadori amerikan në Gjermani tha se në takimin me Vuçiç ai do të diskutonte mbi ekonominë dhe se presidenti serb është një partner i mirë.

"Ai është një partner i mirë dhe unë mezi pres të flas me të për ekonominë, për vendet e reja të punës dhe krijimin e vendeve të punës. Kjo është arsyeja pse edhe unë jam në Beograd për t'u përqendruar në aspektet ekonomike dhe tejkalimin e së kaluarës" - tha Grenell.

/portali DurresLajm/

Na bëni like në facebook!: 

Lajme nga e njëjta kategori

Ministri i Shëndetësisë në Maqedoninë e Veriut, Venko Filipçe, në Konferencën për media ka njoftuar se situata me pacienten e prekur nga

11 shtetas serbë në bordin e anijes “Diamond Princess” në Yokohama të Japonisë, të cilët nuk kanë dalë pozitiv ndaj koronavirusit, do të

Kroacia ka konfirmuar rastin e tretë me koronavirus. Njoftimi është bërë nga Shtabi i Mbrojtjes Civile.

Shënohet rasti i parë me koronavirus në Maqedoninë e Veriut.

Një tërmet me magnitudë 4.3 në shkallën Rihter ka rënë në ishujt Dodecanese të mërkurën rreth orës 14:20 në një zonë detare pranë Karpath

Është konfirmuar rasti i parë në Greqi me koronavirus.

VMRO-DPMNE-ja të martën do të protestojë kundër siç thonë kapjes së organeve gjyqësore nga mafia të cilën e udhëheq Zoran Zaev.

Presidenti serb, Aleksandër Vuçiç, i tha të dielën televizionit proqeveritar Prva, se deri në fund të vitit Serbia do të marrë një ofertë

Gjendja shëndetësore e të lënduarve nga shpërthimi i bombolës së gazit në Rramanli të Kumanovës është e rëndë.

Një shtetas i Malit të Zi, i cili ndodhet në anijen “Diamond Princess” në portin japonez Jokahoma, është prekur nga koronavirusi, njoftoi