Gruevski kërkon azil në Hungari

13/11/2018 - 18:50

Ish-Kryeministri maqedonas Nikolla Gruevski ka marrë strehim politik në Hungari. Të paktën kështu shkruajnë mediat maqedonase, duke iu referuar burimeve pranë ish-Kryeministrit. Autoritetet nuk po arrinin ta gjenin prej 8 Nëntorit kur ai duhej të paraqitej në burg, për të vuajtur dënimin me 2 vite burg dhënë nga Gjykata Penale e Shkupit i shpallur fajtor për abuzim me tenderat kur ishte Kryeministër.

Por Nikolla Gruevski tashmë ndodhet në Hungari dhe prej andej bëri publike përmes Facebook-ut, arsyet pse kërkoi azil.

“Ditët e fundit kam marrë një numër të madh kërcënimesh me jetë. Unë jam në Budapest dhe kam kërkuar azil politik nga autoritetet hungareze. Gjithmonë do t’i qëndroj besnik kauzës së Maqedonisë. Asnjëherë nuk do të kthehem mbrapa”.

Autoritetet e shpallën në kërkim mbrëmjen e të hënës, pas urdhër-arrestit të lëshuar nga gjykatësit në Shkup. Të premten, Parlamenti maqedonas nuk arriti t’i heqë imunitetin e deputetit Gruevskit, pasi nuk u arritën 2/3 e votave.

Megjithatë Gjykata Penale kërkoi që ai të burgosej. Nikolla Gruevski u shpall fajtor në muajin maj për rastin “Tanku”, i akuzuar për abuzim me fondet publike lidhur me automjetin tip Mercedes-Benz të përdorur nga ai. Avokatët mbrojtës dështuan të anulonin ekzkutimin e urdhër-arrestit. Tashmë ish-Kryeministrit i mbetet si shpresë e vetme falja nga presidenti Gjorge Ivanov.

/portali DurresLajm/

Na bëni like në facebook!: 

Lajme nga e njëjta kategori

Maqedonia e Veriut duket se po shkon drejt vettingut të politikanëve, duke përfshirë dhe testin e drogës.

Analistët në Sarajevë thonë se raportet mes Bosnje-Hercegovinës dhe Kosovës janë komplikuar për shkak të vendimeve të nxituara të politik

Moti i keq ka përfshirë Serbinë. Reshje shiu, stuhi dhe breshër kanë përfshirë Serbinë, Bosnjë-Herzegovinën dhe Kroacinë.

Një mot i paqëndrueshëm me shira, shtrëngata shiu dhe erë të fortë ka goditur që prej mbrëmjes së djeshme rajonet e Ballkanit Perëndimor,

Mediat serbe kanë zgjedhur që në botimet e shtypit të shkruar, në fokus të kenë politikanët kosovarë, konkretisht presidentin Hashim Thaç

Presidenti serb Aleksandër Vuçiç ndryshon radikalisht qëndrim për Kosovës.

Presidenti i Serbisë, Aleksandër Vuçiç, ka thënë se nuk do ta njohë kurrë pavarësinë e Kosovës.