Imami, sot në Komisionin e Sigurisë

16/07/2012 - 00:00

 

Trafiku i armëve dhe përgjimi i deputetëve të PS-së, çështje për të cilat opozita akuzon Ministrinë e Mbrojtjes nxitën të enjten e shkuar replika të ashpra në kuvend mes përfaqësuesve të së majtës dhe ministrit Arben Imami. Kryetari i Grupit Parlamentar socialist, Gramoz Ruçi, e akuzoi ministrin e Mbrojtjes, Arben Imami, se përveç opozitës, ky dikaster po përgjon edhe diplomatët e huaj. Sipas Ruçit, diplomatët e akredituar në vendin tonë përgjohen nga Ministria e Mbrojtjes.

Nga ana tjetër kreu i Grupit Parlamentar socialist kërkoi ndërhyrjen e parlamentares Topalli lidhur me kontrollin që kërkojnë të bëjnë deputetët në Ministrinë e Mbrojtjes. Sipas tij, “Një vend anëtar i NATO-s që bën trafik armësh, një vend që aspiron për të marrë ftesën në vjeshtë dhe mungon kontrolli parlamentar mbi Ekzekutivin. Prandaj ne jemi opozitë, për të trajtuar këto çështje, për të përmbushur rolin tonë si parlamentarë dhe si opozitarë, por edhe juve, si drejtuese e Parlamentit, duhet të ushtroni të gjitha atributet tuaja kushtetuese dhe parlamentare që ministrat të përmbushin rolin e tyre”.

Por, në përgjigje të këtyre deklaratave, Imami tha se nuk do ta lejojë këtë kontroll për shkak se ai është antikushtetues. “Nuk do të ketë kontroll punëtor në asnjë shumicë dhe me asnjë opozitë në Shqipëri. Shqipëria është një vend demokratik ku sundon proçedura. Në qoftë se disa deputetë, të cilësdo parti qofshin, qoftë edhe të Partisë Demokratike, nesër në mëngjes do të dëshirojnë të futen në cilëndo ministri për të ushtruar kontroll, kjo është antikushtetuese, kjo është thelbësisht antikushtetuese”, tha ministri i Mbrojtjes. Sot ministri Imami do të jetë në Komisionin e Sigurisë Kombëtare, ku pritet t’u përgjigjet pyetjeve të deputetëve të opozitës për dy çështjet për të cilat akuzohet dikasteri që ai drejton.

 

/portali DurresLajm/

Na bëni like në facebook!: 

Lajme nga e njëjta kategori

Një tërmet i fuqishëm ka goditur sot Greqinë. Siç raporton EMSC, tërmeti ishte me magnitudë 5.2 të shkallës Rihter.

“Ju lutem kthehuni”! Ky është mesazhi i qeverisë greke për të rinjtë e talentuar që u larguan nga vendi gjatë krizës financiare.

“Made in Europe”, sigla e veshjeve lë të kuptohet prodhimin në kushte korrekte pune.

Tërmeti shkatërrues në Turqi u paralajmërua nga sizmiologu grek Gerasimos Huliaras.

Maqedonia vazhdon të përballet me mungesë të kohezionit social dhe ekonomik si dhe dallime në zhvillim në mes të rajoneve të banuara me s

I dërguari Special i Presidentit amerikan Donald Trump për dialogun Beograd-Prishtinë Richard Grenell mbërriti në Beograd pasditen e sotm

Pas deklaratave të së dërguarit të Posaçëm Donald Trump për marrëveshjen Kosovë-Serbi, Richard Grenell, vjen një reagim nga ministri i Ja

Pas një propozimi të kryeministrit Kiriakos Micotaqis parlamenti grek ka zgjedhur në mënyrë unanime Ekaterini Sakellaropulu si presidente

Presidenti i Serbisë, Aleksandër Vuçiç deklaroi edhe njëherë se nuk do të ketë qeveri të re në Kosovë nëse nuk futet dhe Lista Serbe.

Katerina Sakellaropoulou u zgjodh me 261 vota nga Parlamenti Grek në postin e Presidentes së Republikës Greke.