Kosovë-Shqipëri, i njëjti prefiks telefonik

14/12/2012 - 09:12

 

PRISHTINË- Sa i takon fushës së telekomunikacionit, duket se shqiptarët më në fund do të shndërrohen në një shtet të vetëm. Qeveria e Kosovës është duke pritur nga Qeveria e Shqipërisë që të komunikojë me "Unionin Ndërkombëtar të Telekomunikacionit" për çështjen e prefiksit telefonik 355. 

Kështu ka deklaruar nga Kuvendi, ministri i Zhvillimit Ekonomik të Kosovës Besim Beqaj, ministria e të cilit detyrohet nga Rezoluta e Kuvendit të Kosovës e gjashtë shtatorit të këtij viti, të zhvillojë negociata me Qeverinë shqiptare. Kosova në këtë mënyrë mund të shfrytëzojë kodin telefonik të Shqipërisë. Sipas Beqajt, Qeveria e Kosovës ka formuar një komision që do të merret me këtë çështje. Kosova është e gatshme të marrë kodin e Shqipërisë, por tani i mbetet Tiranës zyrtare që të komunikojnë me "Unionin Ndërkombëtar të Telekomunikacionit", në mënyrë që ta arsyetojnë këtë.

Duke iu drejtuar deputetëve të Kuvendit, Beqaj deklaroi: "I kam dërguar letër ministrit Pollo duke i bërë me dije që ne jemi të gatshëm që ta marrim kodin 355. Konform bisedave që kemi pasur me të, ata e kanë obligim të komunikojnë me ITU-në dhe në letrën time i kam kërkuar që sa më shpejt të komunikojmë me të, sikurse ka bërë 'Monaco Telekom' më herët. Të arsyetojnë para ITU-së pse duhet të merret ky kod dhe cilat janë arsyet komerciale e ekonomike në funksion të marrjes së këtij kodi. Qeveria e Shqipërisë tani duhet të komunikojë me ITU-në dhe ata na kanë thënë se shumë shpejt do ta bëjnë këtë. Por cilat do të jenë hapat e tyre dhe sa shpejt do të ndodhë kjo… Për këto na duhet të komunikojmë me ta, mund të komunikoni edhe ju". Kosova ende përdor tri kode të huaja telefonike, të Serbisë, Monakos dhe Sllovenisë. Nëse gjithçka shkon mirë, atëherë Kosova do të mund të shfrytëzojë kodin telefonik të Shqipërisë 355, derisa të marrë kodin e vet shtetëror. 

/portali DurresLajm/

Na bëni like në facebook!: 

Lajme nga e njëjta kategori

Ndonëse media italiane "Ansa" njoftoi sot se kryeministri Zoran Zaev ka dhënë dorëheqjen pas vendimit të Bashkimit Evropian për të mos ha

Agjencia italiane e lajmeve “Ansa” raporton se Kryeministri i Maqedonisë së Veriut Zoran Zaev ka dhënë dorëheqjen.

Një moment i pakëndshëm i ka ndodhur ish-Kryeministrit të Greqisë Alexis Tsipras, teksa po udhëtonte me aeroplan.

Presidenti i Serbisë, Aleksander Vuçiç ka reaguar pas një takimi që ka pasur në Prishtinë, ambasadori i Britanisë së Madhe, Nicholas Abot

Kaos në ishullin grek të Samosit në Greqi. Refugjatët janë përleshur mes tyre duke i vënë flakën kampit.

Kryeministrja e Serbisë, Ana Bërnabiç deklaroi se nuk pret shumë nga Albin Kurti si kryeministër i Kosovës.

Javën e kaluar i dërguari i posaçëm i Presidentit të Shteteve të Bashkuara të Amerikës për bisedimet Kosovë-Serbi, Richard Grenell  vizit

“Presidenti serb, Aleksandër Vuçiç mori porosi shumë të rënda nga Donald Trump, që i përcolli i dërguari special i presidentit amerik

Gjatë një konference me kryeministrin slloven Marjan Sharec, Zaev u shpreh se Maqedonisë së Veriut duhet t'i hapen negociatat, duke motiv