“Ligji për gjuhën shqipe brenda 100 ditësh ose dalim nga Qeveria”

Postuar: 17/07/2017 - 09:35

Krahu i ish-UÇK-së nga radhët e BDI-së në Qeverinë e re është shprehur qartë se nuk ka lëshime dhe se ligji i ri për gjuhën shqipe duhet të miratohet brenda 100 ditëve. Një zyrtar i lartë i BDI-së nga ky krah theksoi për Agjencine e lajmeve INA se nuk ka lëshime dhe se ligji do të miratohet brenda 100 ditëve. Sipas tij, ky qëndrim është shprehur qartë edhe nga zv/kryeministri Hazbi Lika.

“Ne jemi të vendosur që të mos ketë lëshime dhe taktizime. Nëse Ali Ahmeti tenton të bëjë sërish lëshime, atëherë humbja do të jetë e thellë. Qëndrimi ynë është në një linjë me atë që e theksoi Hazbi Lika dhe nuk ka pse të tërhiqemi, kur dihet se ne jemi shtylla për mbajtjen gjallë të kësaj qeverie”, theksoi për INA, zyrtari i lartë i BDI. Ai pranon se ka zëra brenda partisë së tyre që pajtohen që ligji të miratohet pas zgjedhjeve, ashtu siç e kërkon kryeministri Zaev.

Zëvendëskryeministri Lika ka bërë të qartë se ligji do të miratohet brenda 100 ditëve dhe procedurat do të kalojnë në Qeveri dhe më pas në Kuvend.

“Së shpejti ky propozim-ligj do të miratohet në Qeveri, për të cilin janë marrë vesh partnerët. Është çështje ditësh procedurës”, theksoi Lika.

Zv/kryeministri Hazbi Lika megjithatë pranon se pas qeverisë ligji nuk do të shkojë në Kuvend, por së pari do ta shqyrtojë Komisioni i Venedikut.

/portali DurresLajm/

Na bëni like në facebook!: 

Lajme nga e njëjta kategori

   Presidenti i Republikës së Shqipërisë, SH.T.Z. Ilir Meta, vizitoi Universitetin Ndërkombëtar në Strugë.

Një tërmet me magnitudë 5.5 ballë ka goditur bregun jugor të Greqisë mëngjesin e kësaj të hëne.

Presidenti i Kosovës, Hashim Thaçi dhe ai i Serbisë, Aleksandër Vuçiç i dhanë fund një raundi bisedimesh në një përpjekje të re për të si

   Ka ardhur dhe reagimi më i fundit për sa i përket festimit të shqiptarëve të Zvicrës.

Ka ardhur dhe reagimi më i fundit për sa i përket festimit të shqiptarëve të Zvicrës.

Një ish-deputet maqedonas dhe djali i tij janë dhunuar nga një grup personash.

   Kur Bundestagu gjerman ka vendosur 10 kushte të reja për Shqipërinë, e kundërta ndodh me Maqedoninë.

   Shqiptarët në Maqedoni konsiderohen mbështetës tejet të vendosur të Erdoganit dhe kështu çdo fjalë kundër tij, i acaron shumë.

   Greqia ka luftuar shumë me krizën e borxheve dhe do duhet edhe në të ardhmen të luftojë.

Presidenti serb Aleksandar Vuçiç tha se të dielën, me rastin e vazhdimit të dialogut me Kosovën do të jetë e vështirë, por Beogradi do të