Pandemia COVID-19 vijon të përhapet me ritme të shpejta në Maqedoninë e Veriut. Në 24 orët e fundit në këtë shtet kanë humbur jetën 6 persona, ndërsa janë konfirmuar 535 raste të reja me COVID-19 nga 2.445 teste të kryera.
Sipas qyteteve rastet janë konfirmuar në: Shkup-277, Kumanovë-17, Dibër-7, Shtip-22, Prilep-26, Tetovë-18, Strugë-8, Veles-10, Manastir-13, Ohër-4, Kavadar-4, Gostivar-5, Gjevgjeli-24, Strumicë-30, Kriva Pallankë-2, Radovish-6, Koçan-12, Probishtip-3, Demir Hisar-2, Makedonski Brod-1, Vallandovë-5, Vinic-1, Dellçevë-1, Sveti Nikollë-9, Kërçovë-15, Resnjë-8, Negotin-5.
Po ashtu, Instituti i Shëndetit Publik ka regjistruar 168 pacientë të shëruar nga koronavirusi. Numri i përgjithshëm i të infektuarve në Maqedoninë e Veriut që nga fillimi i epidemisë është 22.170.
