Policia maqedonase, në bashkëpunim edhe me Agjencinë Amerikane në luftën kundër narkotikëve DEA, në një operacion anti-drogë në rrugën Pletvar-akavadar, rreth orës 14,00 ka sekuestruar 500 kilogram marijuanë, në Maqedoninë e Veriut.
Mësohet se droga ka hyrë nga Shqipëria, ndërsa në treg ajo kap vlerën e mbi 800 mijë eurove.
Në aksionin, i cili po vijon akoma në disa qytete, Prilep, Manastir, Rosoma e Kavadar, është arrestuar edhe kryeshefi i policisë në Prilep.
Nga Ministria e Punëve të Brendshme njoftuan se detaje për aksionin disa ditor do të jepen gjatë ditës së nesërme.
