Mbyllen votimet për President në Maqedoninë e Veriut

05/05/2019 - 19:50

Janë mbyllur vendvotimet për zgjedhjen e presidentit të Maqedonisë së Veriut. Komisioni Shtetëror i Zgjedhjeve njoftoi arritjen e pragut zgjedhor prej 40 për qind, i nevojshëm për suksesin e zgjedhjeve. Në votime deri në orën 18.30 të drejtën e votës e kanë shfrytëzuar rreth 44.5 për qind e zgjedhësve, por kjo përqindje pritet të jetë edhe më e lartë.

Kryetari i KSHZ-se, Oliver Derkoski tha se zgjedhjet kanë kaluar në atmosferë të qetë dhe demokratike. Dalja më e lartë ka qenë në zonat e banuara me popullatë maqedonase ndërsa më e ulët në komunat e banuara me shqiptarë.

Nga Misioni i OSBE-së që po mbikëqyr procesin e votimit thanë se shpresojnë se do të arrihet pragu zgjedhor prej 40 për qind dhe se do të zgjidhet presidenti i ri i Maqedonisë së Veriut.

Edhe ushtruesja e detyrës së ambasadores amerikane në Shkup, Micaela Schweitzer-Bluhm, ka porositur që qytetarët të votojnë të lirë dhe pa presione.

“Në Shtetet e Bashkuara të Amerikës zgjedhjet dhe votimet janë pjesë qendrore e demokracisë, janë shumë të rëndësishme. Qytetarët e Republikës së Maqedonisë së Veriut sot po marrin një vendim shumë të rëndësishëm dhe është e rëndësishme që votuesit të votojnë të lirë, pa presione. Është kënaqësia ime të jem pjesë e këtij vëzhgimi”, ka deklaruar diplomatja amerikan e cila ka vëzhguar procesin zgjedhor në Tetovë dhe në disa zona të Shkupit.

Zgjedhjet sipas KSHZ-së po zhvillohen në atmoferë të rregullt pa incidente që mund të prishin procesin votues. Por, partia maqedonase në opozitë VMRO-DPMNE është ankuar për një varg parregullsish.

“Pushteti është duke keqpërdorur policinë për qëllime politike. Bëhet presion i paligjshëm nga ana e organeve të policisë ndaj pjesëtareve të VMRO DPMNE-së . Në pjesën lindore të shtetit pa asnjë arsye janë arrestuar dy vëzhgues të VMRO DOMNE-së", ka theksuar zëdhënësi i VMRO DPMNE-së, Num Stoillkovski.

Votimet janë hapur në orën 7:00 të mëngjesit dhe do të mbyllen në orën 19:00 të mbrëmjes. Të drejtën e votës e kanë rreth 1.8 milion persona të cilët mund ta realizojnë në 3512 vendvotime. Zgjedhjet do të jenë të vlefshme nëse në votime dalin mbi 40 për qind e zgjedhësve./REL/

/portali DurresLajm/

Na bëni like në facebook!: 

Lajme nga e njëjta kategori

Presidenti serb Aleksandar Vuçiç tha për mediat vendase se javën e ardhshme në New York, në Asamblenë e Përgjithshme të OKB, do të ketë t

Federata e Futbollit të Kosovës ende nuk ka marrë ndonjë përgjigje nga federatat ndërkombëtare të futbollit, si UEFA dhe FIFA, lidhur me

Mjekët në Qendrën Klinike të Shkupit nën moton “Stop dhunës ndaj punonjësve të shëndetit” kanë dalë në rrugë duke protestuar.

Kancelarja e Gjermanisë, Angela Merkel tha sot pas takimit me kryeministren serbe, Ana Brnabic se procesi i zgjidhjes së çështjes së Koso

Kryeministrja e Serbisë Ana Bërnabiç do të zhvillojë sot një takim me Kancelaren e Gjermanisë, Angela Merkel.

Gjykata e Apelit në Shkup ka konfirmuar vendimin e Gjykatës Themelore për grupin e njohur si i Kumanovës, i cili më 2 nëntor 2017 ishte d

Faza finale e dialogut mes Kosovës dhe Serbisë mund të prodhojë një garë mes fuqive të mëdha.

Presidenti i Maqedonisë së Veriut, Stevo Pendarvoski ka përsëritur sot qëndrimin e tij kundër ndryshimit të kufijve në Ballkan, duke e ko

Beogradi zyrtar e ka rritur presionin ndaj qytetarëve serbë të Kosovës që në zgjedhjet e parakohshme parlamentare të 6 tetorit, ata të vo

Serbia është e lumtur për faktin që Vatikani nuk e njeh pavarësinë e Kosovës.