Ministria serbe: Mbi 3 miliardë euro për projektet midis Kosovës dhe Serbisë

23/09/2020 - 08:42

Ministria e Ndërtimit, Transportit dhe Infrastrukturës e Serbisë tha se “vlera e projekteve infrastrukturore, që janë të rëndësishme për lidhjen e Beogradit dhe Prishtinës” dhe që “do të diskutohen me përfaqësues të Korporatës Ndërkombëtare të Financave dhe Zhvillimit në SHBA, kap shumën prej 3.7 miliardë eurosh”.

Në një deklaratë për Shërbimin e Ballkanit të Radios Evropa e Lirë, ministria tha se, deri më tash, është siguruar financimi për pjesën e parë të autostradës Nish-Merdare-Prishtinë, të gjatë 33 kilometra, nga Nishi në Plloçnik, dhe se me Korporatën amerikane do të bisedohet për ndërtimin e pjesëve të mbetura.

Në deklaratë po ashtu thuhet se gjatësia totale e autostradës Nish-Merdare-Prishtinë është rreth 100 kilometra, nga të cilat 77 kilometra janë nga Nishi në Merdare.

Vlera e parashikuar për ndërtimin e të gjithë autostradës është 1.065 miliard euro.

Ministria serbe tha se do të bisedohet edhe për bashkëpunimin e mundshëm në projekte të tjera të trafikut rrugor, të tilla si: autostrada Bujanoc – Konçul – Gjilan – Shtërpcë, e gjatë 78 kilometra, riparimi i rrugës Ribariq – Bërnjak – Zubin Potok, e gjatë 28 kilometra, dhe rrugës Rashkë – Jarinë – Mitrovicë, e gjatë 61 kilometra.

“Kur bëhet fjalë për lidhjet hekurudhore, përparësi është rindërtimi i hekurudhës që lidh Nishin, Merdaren dhe Prishtinën”, tha Ministria serbe e Ndërtimit, për të shtuar se një nga projektet e propozuara është edhe hekurudha Prishtinë – Fushë Kosovë – Hani i Elezit.

Kryeministrja e Serbisë, Ana Bërnabiq, dhe kryeshefi ekzekutiv i Korporatës Ndërkombëtare të Financave dhe Zhvillimit në SHBA, Adam Boehler, nënshkruan të martën një deklaratë të përbashkët, përmes së cilës u zotuan se do të zbatojnë marrëveshjen e 4 shtatorit për normalizimin e marrëdhënieve ekonomike midis Kosovës dhe Serbisë.

Kjo marrëveshje është nënshkruar në Uashington, në praninë e presidentit amerikan, Donald Trump.

Në ceremoninë e nënshkrimit të deklaratës u bë edhe hapja simbolike e zyrës së Korporatës Ndërkombëtare të Financave dhe Zhvillimit të SHBA-së në Beograd./REL

/portali DurresLajm/

Na bëni like në facebook!: 

Lajme nga e njëjta kategori

Kryeministri grek, Kyriakos Mitsotakis ka folur për herë të parë në parlement lidhur me dakordësinë me Shqipërinë për të çuar në Hagë çës

Në 24 orët e fundit, në Maqedoninë e Veriut janë bërë 1901 testime, ndërsa janë regjistruar 561 raste të reja me Covid-19:

Greqia po kalon një valë të dytë nga COVID-19 edhe më të frikshme se e para.

Trupat e dekompozuar tragjikisht të shtatë personave të cilët mund të jenë strehuar aty, u gjetën të premten brenda një dërgese plehrash

Rritja e numrit të infektimeve në Greqi ka detyruar autoritetet shëndetësore fqinje që të forcojnë masat me qëllim mbajtjen nën kontroll

Kryeministri i Greqisë, Kyriakos Mitsotakis njoftoi se në Athinë, Selanik dhe në qytete të tjera do të vendoset ora policore, me qëllim t

Është shoqëruar me debate të ashpra mes kryeministrit të Kosovës Avullah Hoti dhe presidentit serb, Aleksandër Vuçiç, Forumi i Sigurisë i

Maqedonia e Veriut ka raportuar sërisht shifra të larta të infektuarish me COVID-19.

Kryeministri grek Kyriakos Mitsotakis sapo njoftoi masat e reja ndaj koronavirusit për shkak të rritjes së rasteve pozitive me koronaviru

Autoritetet bullgare sot urdhëruan banorët të mbanin maska mbrojtëse në rrugë për të parandaluar përhapjen e mëtejshme të koronavirusit.