NATO: Maqedonia ka mundësi historike që të inkuadrohet në familjen euroatlantike

18/10/2018 - 17:13

Zëdhënësja e sekretarit të përgjithshëm të NATO-s, Oana Lungesku pas fillimit të negociatave inkuadruese të Maqedonisë në Aleancë, deklaroi për MIA-n se ngjarja e sotme është hap i rëndësishëm për Maqedoninë dhe se vendi tani ka mundësi historike të bëhet pjesë e familjes euroatlantike nëse implementohet Marrëveshja e Prespës.

“Vendi shënoi hap të rëndësishëm sot me fillimin e negociatave inkuadruese dyditëshe  në selinë e NATO-s”, deklaroi për MIA-n, Lungesku.

“Negociatat e mbulojnë sigurinë, mbrojtjen, çështjet politike, juridike dhe financiare, si dhe qëllimet dhe afatet të cilat Shkupi duhet t’i plotësojë  gjatë anëtarësimit dhe pas. Ky është vazhdim i punës së procesit inkuadrues, i cili filloi në korrik  pas ftesës së aleatëve në Samitin në Bruksel. Shkupi ka mundësi historike ta zbatojë Marrëveshjen për emrin  dhe ta dërgojë vendin  në familjen euroatlantike. Kjo do të ndihmojë  të konsolidohen paqja dhe stabiliteti mbarë Ballkanin Perëndimor”, deklaroi Lungesku për MIA-n.

Delegacioni i Qeverisë së Republikës së Maqedonisë, i udhëhequr nga  zëvendëskryeministrja dhe ministrja e Mbrojtjes, Radmilla Shekerinska, së bashku me Koordinatorin  nacional për NATO, Stevo Pendarovski, e hapën sesionin e sotëm me ndihmës sekretarin e përgjithshëm të NATO-s, ambasadorin Aleksandro Alvargonzales, dhe me ekipin e NATO-s për negociata me Maqedoninë.

/portali DurresLajm/

Na bëni like në facebook!: 

Lajme nga e njëjta kategori

Vendosja e taksës mbrojtëse prej 10 për qind për produktet e importuara nga Serbia, si dhe ndalimi i shitjes dhe importit të produkteve q

Ish-shefi i shërbimit sekret DSK, Sasho Mijallkov është arrestuar gjatë mbrëmjes në Shkup.

Presidenti i Serbisë, Aleksandar Vuçiç, përsëriti se nuk do të ketë vazhdim të dialogut me Kosovën, derisa kjo e fundit nuk e tërheq taks

Ish-kryeministri i Maqedonisë, Nikolla Gruevski në një postim të gjatë në Facebook, konfirmon se Hungaria i është përgjigjur pozitivisht

Presidenti serb Aleksandër Vuçiç ka folur për arratisjen e Nikolla Gruevskit përmes kalimit kufitar Serbi-Hungari.

Maqedonia dhe Hungaria nuk kanë të nënshkruar marrëveshje për ekstradim mes dy shteteve në bazë të së cilës do të kërkonte ekstradimin e

Dimri nuk ka mbërritur vetëm në vendin tonë, por reshjet e dëborës kanë trokitur edhe në vendet e rajonit.

19 persona u arrestuan nga forcat e policisë në Athinë gjatë përleshjeve me anarkistët.

Të gjitha partitë politike shqiptare kanë kundërshtuar propozimin e Entit Shtetëror të Statistikave në Maqedoni, që gjatë regjistrimit të