PBDNJ dhe OMONIA: Censusi, provokim për minoritetin grek dhe ortodoksët

14/12/2012 - 12:33

Partia Bashkimi për të Drejtat e Njeriut, PBDNJ, e Vangjel Dules dhe “Bashkimi demokratik i Minoritetit grek”, OMONIA, kanë reaguar menjëherë pas publikimit të rezultatit përfundimtar të Censusit 2011 duke deklaruar se nuk i njohin rezultatet e tij. 

 

Me anë të një deklarate për mediat, PBDNJ shprehet se nuk i njeh rezultatet e Censusit 2011. Sipas PBDNJ-së, rezultatet janë në disfavor të minoriteteve, ndërsa procesi i mbledhjes së të dhënave sipas tyre ishte jo transparent. “Procesi i mbledhjes së të dhënave me shkelje të panumërta. Gjatë mbledhjes së tyre kishte veprime arbitrare, të dhënat janë të stisura”. 

PBDNJ sqaron se shifrat e publikuara zyrtarisht nga INSTAT “nuk pasqyrojnë realitetin në Shqipëri”. 
“Minoritetet do i drejtohen institucioneve të vendit. Censusi i ndërtuar mbi bazën e të dhënave provokuese, është i rrezikshëm, për rajonin dhe Evropën”, theksohet në deklaratën e PBDNJ. 

Në një frymë është qëndrimi i “Bashkimit demokratik të Minoritetit grek”, OMONIA, që vlerëson se bëhet fjalë për të dhëna artificiale, të cilat janë përpunuar pa mbledhje reale në terren.OMONIA kujton se minoriteti etnik grek e bojkotoi procesin në masën, që kapërcen 90% ndaj deklaron se “nuk e njeh procesin në tërësinë e tij dhe i ngelet kërkesës për realizimin e një procedure shtetërore që do synojë pikërisht regjistrimin e pjesëtarëve të minoriteteve dhe shtresëzimin fetar të shoqërisë në Shqipëri”. 
OMONIA denoncon atë që e quan “provokim të rëndë në dëm të minoritetit etnik grek, minoriteteve të tjera dhe komunitetit ortodhoks në vend”. 

Sipas organizatës “disa qarqe nuk mjaftohen me retorikën nacionaliste, të cilën e denoncon në mënyrë kuptimplote Komisioni Evropian, por avancojnë në realizimin e praktikave të tkurrjes statistikore, e cila nuk ka për t’u kaluar, sepse është në kundërshtim me kërkesën për sjellje të sinqertë dhe konstruktive, që imponon procesi i integrimit në familjen Europiane”. 

OMONIA deklaron se procesi i Censusit është i pavlefshëm dhe nuk duhet të merret parasysh as nga qeveria dhe as faktori ndërkombëtar duke theksuar se procesi i identifikimit të pjesëtarëve të komunitetit etnik grek që po realizohet gjatë kësaj periudhe nga ana e OMONIA-s tregon parametra thelbësisht të diferencuara nga të dhënat e fabrikuara dhe të fallsifikuara të Censusit Shtetëror. 

/portali DurresLajm/

Na bëni like në facebook!: 

Lajme nga e njëjta kategori

Një shtetas i Malit të Zi, i cili ndodhet në anijen “Diamond Princess” në portin japonez Jokahoma, është prekur nga koronavirusi, njoftoi

Ministri i Jashtëm i Serbisë, Ivica Daçiç, po mendon që ta anulojë vizitën e tij të planifikuar në Kinë, për shkak të shpërthimit të koro

Presidenti amerikan, Donald Trump ka emëruar ambasadorin e SHBA-së në Gjermani dhe të dërguarin e posaçëm për dialogun mes Kosovës dhe Se

1.3 ton kokainë janë kapur sot në Maqedoninë e Veriut në një kamion me banane që ka hyrë dje nga Mali i Zi në Shkodër dhe ka dalë po dje

Presidenti i Serbisë, Aleksandar Vuçiç, deklaroi sot pas vizitës në një institucion shëndetësor të Beogradit, se Serbia nuk do ta përball

Zoran Milanoviç ka marrë zyrtarisht detyrën e Presidentit të Kroacisë pasi mposhti në zgjedhjet presidenciale të këtij viti Kolinda Graba

Një ngjarje makabre ka ndodhur në Greqi, ku një vajzë 11 muajshe pasi humbi jetën në trupin e saj u zbuluan shenja të abuzimit seksual.

Me 108 vota për, deputetët votuan për shpërndarjen e Kuvendit të Republikës së Maqedonisë.

Mundësi i përfaqësueses së Maqedonisë dhe anëtar i Klubit të mundjes “Tefejuz” Bunjamin Nuishi, është njëri nga viktimat e një grabitjeje

Dy herë me radhë brenda kësaj jave presidenti francez, Emmanuel Macron, tha se Kosova duhet të heqë tarifat ndaj mallrave serbe, ndërsa B