Politikania serbe nga Kosova, Rada Trajkoviç bën deklaratën e fortë: Ndjehem e rrezikuar nga Vuçiç

23/02/2021 - 09:49

Politikania serbe nga Kosova, Rada Trajkoviç, ka deklaruar se Ministria e Brendshme e Serbisë ia ka hequr masën e mbrojtjes nga afër dhe se ndjehet e rrezikuar nga presidenti serb Aleksandar Vuçiç.

Ish-deputetja e Kuvendit të Kosovës, Trajkoviç, ka deklaruar për median serbe “Nova.rs”, se asaj i ishte thënë se “ka kaluar nevoja për përcjellje, duke marrë parasysh që siguria e saj është relaksuar”.

“E bënë këtë në momentin kur është duke u zhvilluar procedura gjyqësore me Milan Radoiçiqin dhe zyrtarin e BIA-s Bojan Dimiq, si dhe pas zgjedhjeve në Kosovë”, deklaroi Trajkoviç.

E pyetur nëse ende ndihet e kërcënuar, ajo thotë se ndihet e kërcënuar drejtpërdrejt nga presidenti serb, Aleksandar Vuçiç.

“Kur ai dje e përmendi Nenad Rashiqin, e djali i tij u rrah sot, ai ka lëndime në kokë”, tha Trajkoviç, e cila është në një koalicion me Rashiç.

Ajo shton se lista e tyre në zgjedhje tejkaloi në mënyrë të paplanifikuar vlerësimet që i dhanë asaj, dhe tregon se votat nuk janë numëruar ende.

“Për shkak të fushatës së Listës Serbe, të cilën ajo e zhvilloi në Kosovë, jo vetëm që ata morën 10 vende në parlament, por ata gjithashtu i bënë presion Goranëve në zgjedhje. Gjithashtu, enklavat votuan për kandidatët boshnjakë të cilët janë nënkryetarë në Mitrovicë dhe kanë marrëdhënie të shkëlqyera me Rakiqin. Serbët në Graçanicë u detyruan të votojnë për romët”, thotë Trajkoviç dhe shton se krijuesi ideologjik i kësaj është Aleksandar Vuçiç.

Ndryshe, në maj të vitit 2019, Rada Trajkoviq mori mbrojtjen e policisë serbe, të cilën ajo e kërkoi për shkak të rrezikimit personal dhe familjes së saj.

Trajkoviq atëherë kishte deklaruar se pas kërkesës dërguar Departamentit për Mbrojtjen e Personave dhe Objekteve në Ministrinë e Brendshme të Serbisë, ajo ruhej nga një burrë dhe një grua.

/portali DurresLajm/

Na bëni like në facebook!: 

Lajme nga e njëjta kategori

Tërmeti i fortë që pak ditë më parë tronditi Greqinë, me epiqendër pranë qytetit të Larisa, ka shkaktuar viktimën e parë.

Në Prishtinë dhe Beograd Lajçak u përpoq të rinisë dialogun.

Vazhdojnë lëkundjet e tokës në zonën e Elassona, Tyrnavos dhe qytetin e Larissa në Greqi.

Kryeministri i Maqedonisë së Veriut, Zoran Zaev i ka ofruar opozitës pjesëmarrje në qeveri për të çuar përpara reformat, në veçanti depar

I dërguari special i Departamentit të Shtetit për Ballkanin Perëndimor, Matthew Palmer tha se Shtetet e Bashkuara nuk do të imponojnë zgj

Dy të rinj shqiptarë kanë humbur jetën pas një përplasje me armë në orët e para të mëngjesit të kësaj të premteje në rrugën Makedonska-Ko

Organizata Kombëtare e Shëndetit Publik, EODY konfirmoi sot  se rastet e reja  laboratorike të koronavirusit të regjistruara në 24 orët e

Maqedonia e Veriut gjatë 24 orëve të fundit ka regjistruar 843 raste të tjera me COVID-19 dhe 11 viktima.

Spitalet në rajonin e Atikës në Greqi janë në prag të kolapsit.

Greqia ka konfirmuar ditën e somte 2219 raste të reja me COVID-19 nga të cilat 21 u identifikuan pas kontrolleve në portat e vendit.