Televizioni publik i Serbisë (RTS) në një shkrim rreth caktimit të datës së zgjedhjeve të jashtëzakonshme për Podujevën dhe Mitrovicën e Veriut, i është referuar Kosovës si Republikë.
“Presidenti i Republikës së Kosovës…”, shkruhej në lajmin e medias serbe. Kaq u desh për të ndezur reagimin e mediave të tjera serbe që njihen për propagandë anti-shqiptare dhe qasje kundër Republikës së Kosovës.
Gazeta “Pravda”e ka quajtur skandal këtë shkrim të televizionit publik. Në reagimin e “Pravdas” thuhet se shoku i ngjarjes ngriti gjithë Serbinë në këmbë.
