Virusi agresiv u merr jetën tre personave në Greqi

10/08/2018 - 21:51

   Tri persona kanë humbur jetën dhe 60 të tjerë janë infektuar nga virusi i Nilit Perëndimor në Greqi, sipas njoftimit të Qendrës së Parandalimit të Sëmundjeve Infektive në Athinë.

Dy prej viktimave, të dy mbi moshën 80 vjeç, jetonin në zonat urbane të Atikës perëndimore. Gjithashtu, në 48 orët e fundit, 12 pacientë u shtruan në spital, pasi kishin simptoma në sistemin nervor qendror, e 4 prej tyre po kurohen në Repartin e Reanimacionit, në terapi intensive.

Sipas specialistëve grekë, numri i rasteve gjatë sezonit të verës pritet që të rritet dhe, me anë të spoteve televizive paralajmërojnë e këshillojnë qytetarët për marrjen e masave të duhura.

“Virusi i Nilit Perëndimor sivjet është përhapur jo vetëm në Greqi, por edhe në vendet fqinje. Shumë raste janë raportuar në vende si Italia, Rumania dhe Serbia, e disa nga pacientët tashmë kanë humbur jetën për shkak të komplikimeve të infeksionit”, tha Athanassios Tsakris, profesor i Mikrobiologjisë Klinike në Universitetin e Athinës.

Virusi i Nilit Perëndimor është një infeksion viral i përhapur në mënyrë tipike nga mushkonjat. Në rreth 75 për qind të infeksioneve, njerëzit kanë pak ose aspak simptoma.

Virusi në fjalë u shfaq për herë të parë pas disa dekadash në Greqi në vitin 2010, në një formë epidemie që përfshiu më shumë se qindra persona, ndërsa numri i viktimave arriti në 35 vetë, kryesisht të moshës mbi 60 vjeç.

Pasi u zhduk për disa vite, virusi u shfaq përsëri vjet dhe sivjet, duke alarmuar organet shëndetësore greke./tch

/portali DurresLajm/

Na bëni like në facebook!: 

Lajme nga e njëjta kategori

Sulmohet një autobus policor dhe stacioni i policisë në Omonia, Athinë.

Djali i një deputeti të njohur në Greqi dhe dy oficerë të policisë helene dyshohet se luajtën një rol kyç në grupin 11-anëtarësh greko-sh

Dy tërmete të njëpasnjëshme kanë goditur Selanikun mesditën e sotme.

Policia greke ndoqi një mjet që vinte nga kufiri gjelbër dhe e ndaloi në Tyria, Janinë.

Autostrada Shkup - Bllacë do të ndërtohet përmes Ndërmarrjes Publike për Rrugë Shtetërore (NPRRSH) dhe ribalanci i Buxhetit aspak nuk do

Një aksident i rëndë automobilistik ka ndodhur këtë të shtunë në veri të Greqisë.

Komisioni parlamentar për çështje kushtetuese në Maqedoni i hapi rrugën debatit në seancë plenare të parlamentit mbi projekt-amendamentet

Ideja për korrigjimin apo ndarjen e kufijve është ide e dështuar e cila e rrezikon edhe sovranitetin e Kosovës.

Presidenti grek, Prokopis Pavlopulos theksoi edhe një herë se vetëm kur Shkupi të përfundojë me ndryshimet kushtetuese mund të anëtarëso

Aleksandar Vuçiç theksoi se ideja e tij mbi zgjidhjen e ngërçit me Kosovën është më e mira për të ardhmen e Serbisë, por ajo ka hasur në