Presidenti serb, Aleksander Vuçiç tha se Beogradi është i vendosur të ndihmojë serbët në Kosovë në luftën ndaj COVID-19.
Ai ka shprehur gatishmërinë për bashkëpunim të plotë edhe me përfaqësuesit e institucioneve të Kosovës në luftën ndaj pandemisë.
Sipas presidencës serbe, Vuçiç shprehu shqetësimin për përhapjen e infeksionit në Kosovë në një bisedë telefonike me shefin e UNMIK-ut, Zahir Tanin, raporton agjencia serbe e lajmeve Beta.
Vuçiç dhe Tanin gjithashtu diskutuan situatën politike dhe të sigurisë në Kosovë me rastin e seancës së ardhshme të Këshillit të Sigurimit të KB kushtuar raportit të Sekretarit të Përgjithshëm të KB për punën e UNMIK-ut, që do të mbahet përmes video- konferencës gjatë këtij muaji.
