Vuçiç shkëmben dhurata me Papën dhe e falenderon për mosnjohjen e Kosovës

12/09/2019 - 13:59

Presidenti serb, Aleksandër Vuçiç, ka zhvilluar sot një takim zyrtar në Vatikan me Atin e Shenjtë Papa Françesku, të cilit i ka dhuruar një libër mbi historinë e Kishës serbe Shën Nikolla, e pozicionuar në territorin e  Kosovës, si dhe një ikonë të Shën Stefanit Provencani, mbreti i parë serb që ka takuar Papa Onorio e III.

Ndërsa Papa Françesko i ka dhuruar letrat e tij eciklike me mesazhin e paqes si dhe një dokumnet mbi vëllazërinë njerëzore firmosur nga Ati i Shenjtë së bashku me Imamin A -Azhar.

Gjatë shkëmbimit të dhuratave Ati i Shenjtë u shpreh mbi rëndësinë e marrëdhënieve mes të krishterëve e myslimanëve që duhen të jenë të mira e jo konfliktuale.

Në një postim në rrjetet sociale, faqja zyrtare e Presidentit serb shkruan se gjatë takimit me Papën, Aleksandër Vucic është shprehur mbi raportin e shkëlqyer mes Republikës serbe e  Selisë së Shenjtë  e që vitin e ardhshëm mbushin plot 100 vite marrëdhënie diplomatike.

Presidenti serb ka theksuar këndvështrimet e përbashkëta të Serbisë e Vatikanit për ruajtjen e pasurive të krishtera e në mbrojtjen e të drejtave njerëzore.

Në këtë këndëvështrim Presidenti serb i ka shprehur Atit të Shenjtë rëndësinë e mbrojtjes, respektit e të përmirësimit të të drejtave të popullsisë serbe e të pakicave të tjera etnike jo shqiptare në Kosovë e Metohi, si dhe ka kërkuar ruajtjen e restaurimin e pasurisë fetare e kulturore serbe, sidomos të kishave dhe monastereve që janë nën mbrojtjen e Uneskos.

"Vlerësojmë shumë, shkruan nota zyrtare  e Presidentit serb, pozicionin që mban selia e shenjtë për mosnjohjen e Kosovës, e mirëkuptimin që ka ndaj Serbisë për respektimin e së drejtës ndërkombëtare . Falenderojnë Selinë e Shenjtë për qasjen e mendimin e saj  ndaj kësaj teme."

"Serbia është fort e sigurt se dialogu është e vetmja mënyrë  për ti dhënë zgjidhje çështjeve ende të hapura, Impenjmi ynë është që me anë të dialogut të gjejmë një kompromis të qëndrueshëm në çështjet me Kosovën e Metohinë."

Presidenti serb ka falenderuar gjithashtu Selinë e Shenjtë e Papa Franceskun për mbështetjen që i japin çështjes së integrimit europian të Serbisë.

Gjatë vizitës në Romë Presidenti serb ka zhvilluar një takim informal me kryeministrin italian Giuseppe Conte në aeroportin e Romës, të cilin e ka komentuar "si një takim i rastësishëm mes dy miqve".

/portali DurresLajm/

Na bëni like në facebook!: 

Lajme nga e njëjta kategori

Deputeti shqiptar, njëherësh nënkryetari i LSDM-së, Muhamed Zekiri njoftoi sot në profilin e tij në Facebook se ai, gruaja e tij dhe vajz

Numri i shtuar i të infektuarve dhe të vdekurve nga koronavirusi është shkaku kryesor për gjendjen e jashtëzakonshme që shpalli president

Presidenti i Serbisë, Aleksandar Vuçiç, tha se vendimi i Malit të Zi për të mos hapur kufijtë për qytetarët serbë është “politik”.

Vetëm 5 raste të reja me koronavirus  u konfirmuan sot në Greqi, njoftuan nga Ministria e Shëndetësisë.

Greqia ka publikuar listën me 29 shtete që do të hapë kufijtë për turizëm duke filluar nga 15 qershori.

Janë rritur në mënyrë drastike rastet dhe viktimat nga COVID-19 në Maqedoninë e Veriut.

Deri para Luftës II Botërore kur nazistët vranë rreth 97 përqind të hebrenjve që jetonin aty, Selaniku njihej si “Jeruzalemi i Ballkanit”

Pas deklaratës së djeshme të zëdhënësit të Ministrisë së Punëve të Jashtme të Turqisë se “ata që pretendojnë se janë djepi i kulturës, du

Serbia bën një hap përpara drejtë rikthimit në normalitet!

Kreu i Bashkësisë Fetare Islame në Maqedoninë e Veriut ka mbajtur mbledhje të jashtëzakonshme ku ka vendosur për ta shkarkuar Sulejman Re