7 shenja që tregojnë se keni shumë toksina në trupin tuaj, mos i neglizhoni

10/06/2018 - 19:04

Mendoni se jeni i shëndetshëm, por në fakt nuk jeni energjik gjatë ditës, përkundrazi jeni i irrituar, stomaku nuk ju funksionon siç duhet dhe keni dhimbje koke të vazhdueshme. Këto tipe shqetësimesh ndikojnë negativisht në të përditshmen tuaj. Në fakt, ato nuk janë aq serioze sa të drejtoheni tek mjeku – ose ndoshta keni menduar se nuk ka asgjë që nuk shkon me shëndetin tuaj – por ato vazhdojnë të jenë aty, duke ju ulur rezistencën dhe duke ju bërë të ndjeheni më i pafuqishëm, më i plakur.

Lajmi i mirë në gjithë këtë është që ka shumë mundësi të mos jeni plakur para kohe, por thjesht jeni i rrethuar nga shumë toksina. Si mund të siguroheni për këtë? Me ndihmën e shenjave të mëposhtme, që janë specifike për këtë fenomen.

1. Lodhja e vazhdueshme

Edhe pse flini mirë, ju mezi përballoni ditën tuaj prej lodhjes së vazhdueshme që ndjeni. Kjo e fundit mund të jetë një shenjë që tregon se trupi juaj është duke u sforcuar për të larguar toksinat e grumbulluara në të gjatë kryerjes së reaksioneve qelizore. Gjithashtu, lodhja mund të jetë edhe reflektim i çrregullimeve hormonale, që dobësojnë sistemin tuaj imunitar. Çfarë bëni për ta mposhtur lodhjen? Nëse përgjigja juaj është “pi më shumë kafe” ose “konsumoj ëmbëlsira”, të jeni të sigurt që vetëm sa e përkeqësoni gjendjen.

2. Shtimi i pashpjegueshëm në peshë

Asnjëherë nuk është e lehtë të biesh në peshë, por nëse kryeni aktivitet fizik të rregullt dhe respektoni një regjim të shëndetshëm ushqimor, nuk ka arsye pse të vazhdoni të shëndosheni. Në të tilla raste, shkaku mund të jetë një problem hormonal, i ndikuar nga prania e toksinave në ushqime dhe në produktet e kujdesit personal.

Për këtë arsye, keni nevojë për një detoksifikim të plotë të dietës suaj dhe të produkteve të kujdesit personal, për t’i dhënë trupit një mundësi për t’u dobësuar.

3. Aroma e keqe e frymës

Edhe pse i lani dhëmbët rregullisht, përtypni çamçakëz apo përdorni karamele mente, përsëri fryma ju mban erë të keqe. Kjo e fundit është e lidhur shpesh me probleme të tretjes, por tregon edhe se mëlçia po sforcohet për të pastruar trupin nga toksinat. Për sa kohë që nuk e keni zgjidhur këtë problem, do të vazhdoni të largoni çdo person që do t’ju afrohet.

4. Kapsllëku

Nëpërmjet zorrëve ne eleminojmë çdo ditë toksina nga trupi ynë. Nëse vuajmë nga kapsllëku, gjithë këto toksina i depozitojmë, duke i lejuar të ndikojnë negativisht në organizëm. Kështu, ato shkaktojnë dhimbje koke dhe ngërçe të muskujve, si dhe lodhje të vazhdueshme. Kapsllëku mund të jetë i lidhur edhe me toksina të tjera të jashtme, si ato që gjenden në ushqimet e proçesuara, të pasura me sheqer, yndyrna, kimikate, pesticide dhe konservantë.

5. Ndjeshmëria e lartë ndaj aromave

Reaksionet e forta ndaj aromave të ndryshme mund të tregojnë se ju jeni thjesht të ndjeshëm ndaj kimikateve, të cilat gjenden kudo. Gjithsesi, ato mund të tregojnë edhe që trupi juaj është duke luftuar mbingarkesën toksike.

Kjo vlen veçanërisht nëse gjatë ekspozimit ndaj aromave ta caktuara ju shfaqni dhimbje koke ose probleme me tretjen.

6. Ngërçet dhe dhimbjet muskulore

Nëse këto dy shqetësime nuk mund t’i lidhni me një stërvitje të një dite më parë, ato mund të reflektojnë veprimin e toksinave në muskujt dhe kyçet tuaja. Kjo është më e mundshme nëse dhimbjet e muskujve shfaqen në mënyrë të rregullt.

7. Reaksionet në lëkurë

Probleme të ndryshme të lëkurës, si puçrrat apo skuqjet e saj, mund të tregojnë mbingarkesë në toksina. Në veçanti, aknet mund të reflektojnë sasi të mëdha të toksinave në ushqime ose në produktet e kujdesit për lëkurën. Sytë e enjtur dhe shpërthimet e ekzemës ose psoriazës mund të tregojnë që e keni kaluar kufirin e toksinave. /Shije

/portali DurresLajm/

Na bëni like në facebook!: 

Lajme nga e njëjta kategori

Të gjithë duam bark të sheshtë, por për fat të keq, kjo është shumë e vështirë të arrihet. 

Ka pak njerëz që s’janë adhurues të djathit.

Të dëgjoni muzikë para gjumit është një mënyrë e mirë relaksuese për çdo person.

Sipas statistikave, nga 5 deri në 60% e njerëzve në botë vuajnë nga era e keqe e gojës.

Gjumi është shumë i rëndësishëm për të rifituar energjitë dhe përballuar ditën. Por cilat ushqime na ndihmojnë për një gjumë të qetë?

Të ushqehesh mirë është thelbësore për të qëndruar në formë dhe për të parandaluar shqetësimet apo sëmundjet.

Avokado është një ushqim i cili sjell përfitime të shumta, pasi njihet për yndyrat e tij të “mira”, ose ato që organizmi ynë ka nevojë pë

Procesi i plakjes është i pashmangshëm. Por a njihni njerëz që duken më të mëdhenj se mosha e tyre?

Nëse keni rrjedhje dhe bllokim hundësh, ose keni teshtima dhe kollitje mendimi juaj i parë është se jeni ftohur.