Aspirina shkakton hemorragji në stomak

Postuar: 14/06/2017 - 18:06

Personat mbi 75 vjeç, që marrin një aspirinë në ditë pas një infarkti, janë më të rrezikuar, ndonjëherë edhe në mënyrë fatale, nga hemorragjitë në stomak.
Sipas një kërkimi të botuar në revistën mjekësore “Lancet”, për të reduktuar këtë rrezik të moshuarit duhet të marrin edhe pilula që mbrojnë stomakun.
Por, shkencëtarët këmbëngulin se aspirina ka avantazhe të rëndësishme, mes të cilëve ndalimi i atakeve kardiake, që në njëfarë mënyre e anashkalojnë rrezikun që i kanoset stomakut.
Ndaj, ata paralajmërojnë se ndalimi i përdorimit të aspirinës menjëherë është i dëmshëm. Të gjithë ata që kanë shqetësime, duhet të konsultohen me një doktor para se të ndryshojnë mjekimin.
Mjekët, zakonisht përshkruajnë në recetat e tyre një aspirinë çdo ditë, nëse pacienti ka kaluar një infarkt apo atak kardiak, gjë që parandalon përsëritjen e tyre. Por, kërkuesit kanë kohë që e dinë se ajo mund të rrisë rrezikun e hemorragjive në stomak.
Deri më tani, në shumë kërkime ishin përfshirë persona nën moshën 75 vjeç dhe rezultati kishte treguar se ky rrezik, në këtë grupmoshë nuk ishte i madh.
Por, me rreth gjysmën e personave të moshuar që përdorin aspirinën çdo ditë në Britaninë e Madhe, kërkuesit e Universitetit të Oksfordit vendosën të zbulojnë të mirat dhe rreziqet që sjell ajo te personat mbi 75 vjeç.
Studimi i tyre tregoi se 3 në çdo 200 persona që merrnin aspirinën çdo ditë, në moshën mbi 75 vjeç regjistrohen me gjakrrjedhje serioze në stomak. Ndërkohë që rreziku rritet me rritjen e moshës.

/portali DurresLajm/

Na bëni like në facebook!: 

Lajme nga e njëjta kategori

   Për herë të parë në 10 vjet, rastet e malaries globale nuk po reduktohen, duke shkaktuar shqetësime në lidhje me rishfaqjen e sëmundje

    Vaji i ullirit është padiskutim mbreti i tryezës dhe një prej ushqimeve më të rëndësishme të dietës mesdhetare.

Rënia e menjëhershme në peshë tek të moshuarit është shenjë e kancerit, paralajmërojnë ekspertët.

Shafrani i Indisë mund të jetë një mënyrë shumë efikase për të lehtësuar migrenën.

Sam Wood është një trajner personal i sapo bërë baba, dhe rrëfen për publikun disa gabime të zakonshme që bëjnë njerëzit që duan të humbi

   Kërthiza është në forma dhe madhësi të ndryshme te njerëz të ndryshëm.

Këtë ndoshta nuk e dinit, por ka ekspertë që besojnë se disa enzima mirëbërëse te mjalti shkatërrohen nga kontakti me bakrin dhe hekurin.

A mund të qëndrosh pa pirë ujë, çaj apo çdo lëng tjetër për të paktën tetë orë? Vetëm ideja e kësaj sfide tingëllon shqetësuese apo jo?

Përdorimi i kufjeve për të dëgjuar muzikë është i dëmshëm.