Çfarë duhet të bëni për më shumë energji gjatë ditës

15/03/2020 - 13:39

Të qenit energjikë është e nevojshme për të kryer aktivitetet që mbushin ditën.

Por në rastin e njeriut, energjia nuk vjen me një të ndezur të çelësit.

Mësoni rregullat e arta për të pasur sa më shumë energji gjatë ditës, renditur nga AgroWeb.

Drita e Diellit

Drita e diellit rregullon orën e brendshme të trupit dhe stimulon qelizat e trurit.

Hapni dritaren kur të zgjoheni dhe shijoni dritën që të jeni më vigjilentë gjatë ditës.

Studimet konfirmojnë se, nëse shijoni të paktën 30 minuta dritë natyrale në ditë do të jeni më energjikë.

Mëngjesi me Proteinë

AgroWeb ju këshillon, të hani mëngjes të pastër me proteinë që t’ju mbajë ngopur për më gjatë.

Një mëngjes i tillë përfshin: bukë me drithëra të plota, banane, qumësht ose kos pa yndyrë, fruta pylli dhe arrorë.

Pini Ujë

Nëse jeni të dehidratuar do të jeni të plogësht dhe pa energji.

Pini ujë vazhdimisht, por mos e pini me ngut sepse veshkat do ta filtrojnë menjëherë dhe do ta nxjerrin nga organizmi pa i dhënë mundësi trupit ta shfrytëzojë atë.

Kafe Në Gllënka Të Vogla

Kafeja sjell energji të shpejtë por që zgjat pak.

Strategjia ideale për një energji të vazhdueshme është që të pini 6 deri në 8 gllënka të vogla të kafesë nga mëngjesi deri pasdite.

Çajrat

Çajrat përmbajnë amino acide që rrisin ndjesinë e mirëqenies dhe vigjilencës.

Në ditë të plogështa, pini patjetër një çaj edhe nëse keni pirë një kafe dhe do të vëreni një energji më të plotë.

Frutat dhe arrorët

Hani fruta të plota dhe arrorë. Mos pini lëngje të gazuara mes vakteve apo ëmbëlsira plot sheqer.

Zgjidhni mes mollës, bananes, portokallit, djathit pa yndyrë, arrave, bajameve dhe kosit.

Thuaji Jo Ushqimeve Të Shpejta

Pica, hamburgeri, mishi i skuqur i pulës kanë aftësi shteruese të energjisë.

Këto ushqime përmbajnë substanca që provokojnë përgjumjen e trurit.

Bëni Një Shëtitje

Një shëtitje 20 minutëshe pas drekës do t’ju gjallërojë, thonë ekspertët.

Aktiviteti fizik i jep energji trurit ndonëse ju ngjall ndjesinë e përtacisë.

Shëtitja dhe ecja çlirojnë hormonet e duhura për t’u ndjerë energjikë.

Dremisni

Mjafton një dremitje prej 15-30 minutash pasdite për t’u ndierë më mirë.

Megjithatë vendosni alarmin që të zgjoheni dhe të mos bini në gjumë të thellë, nga i cili do ju duhet më shumë se një orë të zgjoheni.

Nëse flini shumë në drekë, do të ndiheni të plogësht për shumë kohë.

Larja e Fytyrës

Njerëzit që lajnë fytyrën pas dremitjes, ndihen më të gjallë dhe energjikë.

Nje tjeter alternativë është të lani duart në ujë të ftohtë dhe më pas të fërkoni pjesën e pasme të qafës.

Gjumin e Sotëm Mos e Lër Për Nesër

Një natë e vetme ndoshta nuk mjafton për të rimëkëmbur netë të tëra pa gjumë.

Një herë në javë të paktën përpiquni të flini herët, sepse edhe truri e ka të nevojshëm pushimin.

Të gjitha punët që keni lënë bërë shtyjini për nesër dhe dhurojini vetes qetësinë e nevojshme./AgroWeb

/portali DurresLajm/

Na bëni like në facebook!: 

Lajme nga e njëjta kategori

Çdo ditë, amvisat shqiptare përballen me mëdyshje, sfida dhe punë.

Instituti i Shëndetit Publik (ISHP) ka publikuar disa masa, se si duhet të kujdesemi për të moshuarit dhe fëmijët, në situatën e përhapje

Përveç personave të moshuar, të sëmurët kronikë, dhe personat me imunitet të dobët, edhe astmatikët duhet që të bëjnë shumë kujdes dhe të

Gjithçka nis me shfaqjen e temperaturës së lartë. Kjo është simptoma kryesore e njerëzve të prekur nga koronavirusi.

Cilësia e gjumit ka një ndikim të drejtpërdrejtë në sistemin kardiovaskular të organizmit.

Larja e shpeshtë e duarve me ujë dhe sapun, përbën vijën e parë efikase të mbrojtjes ndaj infektimit nga COVID-19.

Shkencëtarët në Australi kanë identifikuar se si sistemi imunitar i trupit e lufton koronavirusin e ri.

Veshja e një maske për fytyrën nuk është sigurisht një garanci e hekurt që nuk do të sëmureni – viruset gjithashtu mund të transmetohen p

Hera e fundit që Organizata Botërore e Shëndetësisë shpalli një pandemi ishte qershori i vitit 2009 si pasojë e përhapjes masive të gripi