COVID-19/ Përse duhet ta masim temperaturën dy herë në ditë

21/03/2020 - 13:02

Gjithçka nis me shfaqjen e temperaturës së lartë. Kjo është simptoma kryesore e njerëzve të prekur nga koronavirusi.

COVID-19 është ulur këmbëkryq në plot 150 vende, përfshirë Shqipërinë dhe të gjithë rajonin e Ballkanit Perëndimor.

Një analizë e situatës në provincën e Wuhan, ku edhe nisi gjithçka, ka treguar se në 99 përqind të rasteve, pacientët e prekur nga COVID-19 kishin temperaturë të lartë.

Në 50 përqind të rasteve, pacientët përjetonin lodhje dhe kollë të thatë.

Një e treta e pacientëve përjetonin dhimbje muskulare dhe vështirësi në frymëmarrje.

Cilat janë shenjat dhe simptomat e koronavirusit?

Simptomat kryesore të infeksionit nga COVID-19 janë: temperatura e lartë dhe kolla.

Disa njerëz përjetojnë edhe vështirësi në frymëmarrje.

Simptomat më të rralla janë; dhimbjet e fytit, dhimbjet muskulare dhe dhimbjet e barkut.

Këto të fundit janë të lidhura edhe me praninë e sëmundjeve të tjera në organizëm.

Temperatura, sipas ekspertëve, shfaqet që në ditën e parë të infeksionit (pas inkubimit 5 ditor) dhe në dy ditë në vazhdim mund të shoqërohet me lodhje, kollë të thatë, dhimbje muskulare.

Ka pasur raste kur një ose dy ditë përpara shfaqjes së temperaturës, njerëzit janë përballur me diare ose të përziera.

Në ditën e pestë të infeksionit, njeriu, veçanërisht të moshuarit, kanë vështirësi në frymëmarrje. 

Në bazë të rasteve të rekuperuara, ekspertët janë të mendimit se infeksioni zgjat dy javë e gjysmë.

Si të monitoroni shëndetin në kushtet e shtëpisë

Njerëzit duhet të jenë shumë të vëmendshëm ndaj monitorimit të shëndetit në kushtet e shtëpisë.

Nëse vërejnë çfarëdo lloj simptome duhet ta mbajnë atë shënim.

Temperatura e trupit duhet matur dy herë në ditë, mundësisht me termometër dixhital, një herë në mëngjes dhe një herë në mbrëmje.

Shënojeni temperaturën pas çdo matjeje, çdo ditë.

Nëse harroni ta masni temperaturën, bëjeni këtë në momentin që kujtoheni.

Përveç matjes së temperaturës, duhet të jeni shumë të vëmendshëm ndaj shfaqjes së kollës, apo çdo vështirësie në frymëmarrje.

Çfarë të bëni nëse keni simptoma?

MOS SHKONI NË URGJENCË – kjo është një këshillë e përsëritur e ekspertëve sipas të cilëve, njerëzit që vërejnë se kanë simptoma duhet të telefonojnë në numrin 127 dhe të raportojnë për situatën.

Ju duhet t’i telefononi mjekut menjëherë nëse nuk merrni dot frymë, keni dhimbje kraharori dhe temperaturë të lartë mbi 38 gradë./AgroWeb.org

/portali DurresLajm/

Na bëni like në facebook!: 

Lajme nga e njëjta kategori

Në mjekësinë popullore, lëngu i bamjes dhe vetë kjo perime konsiderohet jetësore kun dër një sërë sëm undjesh.

Frutat e thata janë të pasura më shumë vlera ushqyese.

Bananja mund të konsiderohet si një frut i nënvlerësuar në krahasim me frutat e tjera ekzotike, të cilat janë kthyer në trend.

Ilaçi "Ibuprofen" në fillimin e pandemisë shkaktoi polemika sepse sugjerohej se rëndonte infeksionin e koronavirusit te të sëmurët.

Pavarësisht dëmeve dhe problemeve që sjell në shëndet pirja e duhanit, shumë individë e kanë të vështirë të largojnë varësinë që kanë pre

A e dinit që kërkesat e organizmit për vlera ushqimore ndryshojnë gjatë verës?

Shumë individë ndjekin dietën me një sasi të ulët të kalorive gjatë ditës, për të humbur peshë.

Shumë njerëz nuk e trajtojnë shëndetin e tyre me seriozitetin që meriton.

Jamballi, ose siç edhe njihet ndryshe si Likuiricia, është një bimë bishtajore në formën e shkurres.

Në moshën e tretë, njerëzit kanë nevojë për më pak kalori, duke qenë se nuk janë më aktivë fizikisht dhe metabolizmi është i dobësuar.