A e vrasin koronavirusin shpëlarësit e gojës? Ja çfarë thotë studimi i ri

22/11/2020 - 20:21

Një studim i ri shkencor, ka treguar se shpëlarja e gojës, mund të çrrënjosë koronavirusin brenda 30 sekondave nga ekspozimi ndaj tij në një laborator. Raporti i Universitetit të Kardifit, tha se rezultatet paraprake tregojnë së shpëlarja e gojës me një përmbajtje që ka të paktën 0.07 për qind klorid cetipiridinium (CPC) tregoi ”sinjale premtuese” të aftësisë për të luftuar virusin.

Shkencëtarët tani duhet të shqyrtojnë nëse shpëlarjet e gojës, kanë potencialin për të funksionuar tek njerëzit, me një provë të re klinike që synon të shohë nëse gargara pa ndonjë recetë ka potencialin për të ulur nivelet e Covid-19 në pështymën e një pacienti.

Testi i fundit u krye nga shkencëtarët në laboratorin e Universitetit të Kardifit, dhe imitoi kushtet e kalimit të hundës/orofaringut të një personi, duke përdorur markat e ndryshme të larjes së gojës, përfshirë “Dentyl”.

Faza tjetër e hulumtimit, një test klinik 12-javor, do të shqyrtojë se sa efektive është larja e gojës në zvogëlimin e ngarkesës virale në pështymën e pacientëve Covid-19, gjë që do të jetë thelbësore në hulumtim.

Studimi do të zhvillohet në Spitalin Universitar të Kardifit në Uells, dhe rezultatet e tij do të publikohen në pjesën e parë të vitit 2021. “Dentyl”, është marka e vetme për larjen e gojës në Britani që merr pjesë në provat klinike, dhe drejtohet nga profesor Dejvid Tomas nga Universiteti i Kardifit.

Edhe pse studimi shihet si domethënës, duhet të kryhen shumë më shumë kërkime për të kuptuar nëse larja e gojës ka potencialin për të ulur nivelet e Covid-19 në pështymën e një pacienti. Ekspertët thonë se të kuptuarit e saktë se si shpelarja e gojës do të ndikonte në transmetimin viral midis pacientëve, do të kërkonte gjithashtu një lloj tjetër studimi në një shkallë shumë më të madhe.

Profesor Tomas thotë:”Ndërsa këto shpërlarës të gojës e zhdukin në mënyrë shumë efektive virusin në laborator, ne duhet të shohim nëse ato funksionojnë tek pacientët, dhe ky është fokusi ynë kryesor në studimin tonë klinik”.

Ai shtoi:“Është e rëndësishme të theksohet se studimi nuk do të na japë ndonjë provë të drejtpërdrejtë mbi transmetimin viral midis pacientëve, gjë që do të kërkonte një lloj studimi tjetër në një shkallë shumë më të gjerë”.

Studimi klinik i vazhdueshëm, do të tregojë se sa zgjasin efektet, pas një shpëlarje të vetme të gojës tek pacientët me Covid-19. Dr.Nik Klejdon, periodontolog, thotë se ai beson që ky studim është shumë i vlefshëm.

“Nëse këto rezultate pozitive pasqyrohen në provën klinike të Universitetit të Cardiffit, gargarë me bazë CPC, të tilla si Dentyl, të përdorura në studimin in-vitro, mund të bëhen një shtesë e rëndësishme për rutinën e njerëzve, së bashku me larjen e duarve, distancimin fizik dhe mbajtjen e maskave, si tani ashtu edhe në të ardhmen”-thotë ai.

Ndërkohë Organizata Botërore e Shëndetësisë, ka thënë se nuk ka asnjë provë që sugjeron se shpëlarja e fytit me solucionet përkatëse dentare,ndihmon në ndonjë lloj mënyre në mbrojtjen kundër koronavirusit. / Standard.co.uk – Bota.al

/portali DurresLajm/

Na bëni like në facebook!: 

Lajme nga e njëjta kategori

Një udhëzim i Institutit të Shëndetit Publik në Mbretërinë e Bashkuar thotë se mjalti përbën mënyrën më të mirë për të trajtuar kollën ak

Njerëzit që vuajnë nga reumatizma shpesh fajësojnë ndryshimin e stinëve dhe motin e keq për intensitetin e dhimbjeve të tyre.

Presioni i lartë i gjakut apo hipertensioni është një sëmundje shumë e përhapur në të gjithë botën.

Kaltrina Jupolli-Sejdiu, 30-vjeçare nga Prishtina deri para muajit nëntor të vitit të kaluar, nuk ka pasur asnjë problem me kujtesën.

Hemoglobina është një proteinë që gjendet tek rruazat e kuqe të gjakut.

Leukemia është një lloj kanceri që prek qelizat e bardha të gjakut.

Është përsëri dimër, koha kur fillojmë të kërkojmë forcues të imunitetit për të shmangur simptomat e ftohjes.

Karbohidratet jo vetëm që plotësojnë shijen, por janë të domosdoshëm për funksionin normal të organizmin.

Njerëzit që vuajnë nga ndjeshmëria e lartë e dhëmbëve, përballen çdo ditë me dhimbje të forta e të mprehta sa herë që konsumojnë ushqime

Zgjimi në mëngjes me dhimbje koke, është mënyra më e keqe për të nisur ditën.