Fruti që lufton kapsllëkun dhe çrregullimet në stomak

09/04/2019 - 22:24

Kulumbria është një shkurre në formën e një druri të vogël që rritet deri në 5 metra lartësi. Në mjekësinë popullore përdoret lulja dhe frutat e kulumbrisë.

Degët e saj janë të kuqërremta e me gjemba, kurse gjethet si të sharrëzuara në majë.

Lulet e kulumbrisë çelin para gjethëzimit, të cilat mund të gjenden të vetmuara, ose në grupe të mëdha. Fruti i rrumbullakët me ngjyrë bojëqielli në të zezë piqet në muajtë e nxehtë të verës. Ai rekomandohet të përdoret për ngrënie pas ngricave, kur rritet sasia e sheqerit në të dhe ulet në minimum ajo e lëndëve të tij regjëse. Por, ai mund të përdoret mjaft mirë edhe për komposto dhe uthull, si edhe për përgatitjen e esencave, sidomos asaj të zezë.

Lulet janë të pasura me kripëra minerale dhe flavonoid dhe rekomandohen të mblidhen kur janë ende të palulëzuara, kurse frutat janë të pasura me vitaminë C, sheqerna, acide të lira, lëndë pektinoze, taninë etj. Mblidhen përpara periudhës së ngricave kur ende janë në gjendje të fortë.

Si lulet, ashtu dhe frutat thahen në hije ose në tharëse, në temperaturën 40 gradë C, ku për çdo 4-6 kg fruta të freskëta, nxirret rreth 1 kg “dro*ë” e thatë. Kjo e fundit duhet të ambalazhohet dhe të ruhet në vende pa lagështirë. Lëngu ose çaji i përftuar nga zierja e saj janë të njohura prej kohësh nga mjekësia popullore.

Çrregullimet e stomakut

Në këtë rast çaji përgatitet si vijon:

Merren 2 lugë kafeje ose 2 gr pluhur prej “dro*ës” së bimës dhe lihen në 200 ml ujë të ftohtë. Masa lihet të pushojë për rreth 7h dhe pas kësaj kohe, konsumohet në formë çaji, brenda ditës.

Frutat e thara të kolumbrisë në formë çaji kurojnë gjithashtu:

Mukozën e lëkurës;

Veshkat;

Kapsllëkun;

Zorrët dhe fshikëzën e urinës;

Pastrojnë gjakun.

/portali DurresLajm/

Na bëni like në facebook!: 

Lajme nga e njëjta kategori

Puna me orë të gjata rrit rrezikun për goditje në zemër. Ky është përfundimi i një studimi të ri të Shoqatës Amerikane të Zemrës.

Celuliti ndodh kur indet në shtresën e lëkurës dobësohen dhe lejojnë formimin e depozitave dhjamore shumë pranë sipërfaqes së lëkurës.

Imagjinoni një situatë të tillë: Keni një takim shumë të rëndësishëm për pak, por keni një dhimbje koke të tmerrshme.

Eliminimi i zakoneve të këqija si fjetja me televizorin ndezur në dhomë, mund t’ju ndihmojë të humbni kilet e tepërta, sipas një studimi

Studimet shkencore, të cilave u referohet AgroWeb.org mbi ndikimin e stresit në organizëm, sugjerojnë se stresi është shkak por edhe paso

Një dozë dy orëshe në natyrë përmirëson në mënyrë domethënëse shëndetin dhe mirëqënien.

Gjendja shpirtërore ka lidhje të pashmangshme me ushqyerjen.

Bakteret “Gingivitis“ që gjenden në hapësirën e gojës dhe grykës mund të depërtojnë deri në tru.

Ndjehemi të lodhur, të zemëruar, të trishtuar dhe në një humor të keq dhe kjo na nxit të gjejmë ngushëllim në ushqim.

Tërshëra është një drith shumë i pasur me vitamina, minerale dhe fibër, tre përbërës kyç për një tretje të mirë.