Ja pijet e duhura për të humbur peshë

09/03/2015 - 12:44

9 mars 2015 - Gjithnjë e më shumë, persona të ndryshëm po kërkojnë metoda të lehta dhe efikase për të humbur peshë. Pjesa më e madhe e tyre e lënë veten të tërhiqen nga produkte të cilat premtojnë mrekulli, shumë fillojnë dieta të forta dhe një numër më i vogël vendos që të bëjë më shumë ushtrime fizike.

Megjithatë, e rëndësishme është që të kuptohet se për të humbur peshë në mënyrën e duhur, është e nevojshme një ushqyerje e shëndetshme dhe bërja e ushtrimeve fizike. Për këtë arsye, është shumë e vështirë që një person të humbasë peshë nëse merr në konsideratë vetëm një metodë dhe nuk sforcohet për ta çuar deri në fund një plan gjithëpërfshirës për të arritur objektivin e tij.

Në këtë kuptim, shumë specialistë sugjerojnë që t’u shtoni dietave tuaja disa pije që mund të jenë aleate të duhura për të humbur peshë. Bëhet fjalë për pije shumë të thjeshta për t’u përgatitur dhe për t’u gjetur në supermarkete apo dyqane të specializuara.

Por, nuk duhet harruar se është shumë e rëndësishme që këto pije t’i konsumojmë si pjesë të një plani me bazë një ushqyerje të shëndetshme, sepse nëse pijmë vetëm pijet e mëposhtme, nuk do të marrim asnjë rezultat pozitiv.

Pijet më të mira për të humbur peshë:

Uji i ftohtë

Disa studime sugjerojnë se pirja e ujit të ftohtë dhe me akull e ndihmon trupin që të përshpejtojë procesin e metabolizmit, duke djegur kështu shumë kalori. Gjëja më e mirë është që të konsumoni të paktën 500 ml me ujë të ftohtë çdo ditë.

Çaji jeshil

Edhe kjo pije, ashtu si edhe çaji jeshil, mund të përshpejtojë metabolizmin dhe ju ndihmon që të digjni më shumë kalori. Çaji jeshil, mund t’ju ndihmojë të digjni mesatarisht mes 35 dhe 43% më shumë kalori sesa pijet e tjera.

Qumështi i skremuar

Mund t’ju duket e pabesueshme, por qumështi i skremuar arrin t’i heqë më shpejt yndyrat që gjenden në trupin tonë. Për këtë fakt, disa dietologë thonë se personat që konsumojnë qumësht të skremuar, arrijnë të humbasin 70% më shumë në peshë, sesa ata që i kanë eliminuar produktet e qumështit nga dieta e tyre. Por gjithsesi bëni kujdes, mos pini më shumë se një gotë në ditë.

Lëngu i perimeve

Është një pije shumë e këshilluar për të gjithë ata që duan të humbasin peshë. Pirja e një gote me lëngë perimesh e ndihmon organizmin që të ndihet i plotë dhe i kënaqur shumë lehtë. Kështu që ju do të mund të konsumoni 135 kalori më pak në një ditë nëse dietës tuaj i shtoni këtë lloj lëngu.

Pije ushqyese

Edhe nga këto lloj pijesh është provuar se japin efekte pozitive tek ata që i konsumojnë, sidomos falë përmbajtjes së lartë të mineraleve dhe vitaminave. Ndërkohë, arrijnë të falin një ndjesi ngopjeje, duke shmangur në këtë mënyrë që të hani më shumë. Por është shumë e rëndësishme që t’i drejtoheni një specialisti përpara se t’i pini. Do të jetë ai që do t’ju thotë se cila është pija e duhur për ju, përveçse do t’ju rekomandojnë gjithashtu se cila është sasia e duhur që duhet të pini çdo ditë.

Pija me xhenxhefil

Xhenxhefili ka veti të mira të panumërta, mes të cilëve edhe atë për të stimuluar metabolizmin. Është perfekte pra pija me një rrënjë xhenxhefili, një limon dhe gjysmë litri ujë. Për të mos i shtuar kalori ekstra ideale është që këtë pije ta bëni pak më të ëmbël me ëmbëltues natyrorë, si për shembull me bimën stevia.

Ujë limon dhe piper

Kjo është një pije shumë e thjeshtë për t’u përgatitur në shtëpi. Mjafton të përzieni lëngun e një limoni me një gjysmë litri ujë për të ndalur urinë. Ndërkohë, kësaj pijeje shtojini dhe pak piper të zi i cili e përforcon veprimin e djegies së yndyrave.

Uji i kokosit

Kjo pije përmban shumë elektrolite të tjera: kjo do të thotë se ju mund të hidratoheni më mirë në krahasim me pijet që kanë përbërës të dëmshëm, si sasi të mëdha sheqeri ose aroma artificiale. Uji i kokosit, ndër të tjera e bën më aktiv metabolizmin dhe jep më shumë energji.

/S.L. agjencia e lajmeve "Dyrrah"/

/portali DurresLajm/

Na bëni like në facebook!: 

Lajme nga e njëjta kategori

Tkurrjet muskulare në pulpën e këmbës shkaktojnë shumë dhimbje të forta, veçanërisht kur ato shfaqen gjatë natës.

Në dhjetor duket sikur edhe ushqimet marrin ngjyra festive.

Limoni është një agrume jashtëzakonisht e pasur me vitaminë C, e cila është e domosdoshme për shëndetin dhe paraqitjen e lëkurës.

Sipas Qendrave për Kontrollin dhe Parandalimin e Sëmundjeve, larja e duarve është gjëja e parë dhe më e rëndësishmja që mund të bëni për

Gërhitja është një tingull që krijohet nga vibrimi i indeve të hundës ose të fytit gjatë frymëmarrjes kur një person është duke fjetur.

Gurët në veshka janë një problem i zakonshëm shëndetësor.

Ushqimi është një proces sa i nevojshëm aq edhe i kënaqshëm për çdo njeri.

Sëmundjet e zemrës janë nga sëmundjet më të përhapura në vendin tonë. Në Shqipëri, rreth 9000 njerëz vdesin çdo vit për shkak të sëmundje

Fjetja pranë një personi që gërhet mund të jetë e dëmshme për shëndetin mendor dhe fizik, sipas një studimi të kryer së fundmi.

Mungesa e aktivitetit fizik mes të rinjve në botë është kthyer në epidemi globale.