Kujdes vizat e bardha – Çfarë duhet të dalloni kur blini mish pule

Postuar: 12/10/2017 - 08:53

Shqiptarët po konsumojnë mish pule më shumë se ndonjëherë më parë, sepse është burimi më ekonomik dhe më i përballueshëm në treg i proteinave.

Dhe ndërsa pulat janë kthyer në një burim popullor ushqimi, nuk duhet të vijë asnjë surprizë që fermerët duhet të nxjerrin në treg produkte pule me shpejtësi rekord.

Në Shqipëri pjesa më e madhe e mishit të pulës vjen nga importi, pasi oferta vendase nuk e përballon dot kërkesën e konsumatorëve.

Por ka një efekt anësor!

Mishi i gjoksit të pulës është zakonisht me një ngjyrë rozë lehtësisht të tejdukshme.

Por nëse i keni kushtuar vëmendje gjokseve të mishit të pulës që blini në treg, sidomos atij të importuar, atëherë do të keni vërejtur disa vija të bardha në sipërfaqe.

Këto vija të bardha janë tregues i një çrregullimi anormal të muskujve të pulave të quajtur “vizat e bardha.”

Nuk ekzistojnë studime që të tregojnë se një mish i tillë pule është i dëmshëm për konsumim. Por një anomali e tillë tregon për kushtet në të cilat janë rritur pulat.

Çrregullimi i vizave të bardha dëmton cilësinë e mishit në masën mbi 200%.

Sipas një studimi të botuar në Revistën Italiane të Shkencave të Kafshëve, kjo ndodh pasi rritet përmbajtja e yndyrnave të dëmshme. Shikoni fotot në fund të lajmit për dallimet.

Ajo që po haset gjithnjë e më shumë te prodhuesit e pulave të importit është fakti që pulat duhet të rriten sa më shumë dhe sa më shpejt.

Sipas të dhënave të AgroWeb.org, pulat nisen për në treg kur arrijnë një mesatare peshe prej mbi 2,5 kg që e arrijnë në vetëm 47 ditë.

Jo më larg se disa dekada më parë, do të duheshin 70 ditë që pulat të arrinin gjysmën e asaj peshe.

Pse po ndodh? Kërkesa në rritje për pula është përgjegjësja e kësaj situate. Qendrat kërkimore raportojnë se konsumi mesatar i pulave është rritur disa herë më tepër krahasuar me vitet '70.

Çfarë mund të bëjnë konsumatorët për të? Zgjidhja është relativisht e lehtë: Kontrolloni mishin para se të blini atë. Vizat e bardha janë të lehta për t’u dalluar dhe për t’u shmangur nga konsumatorët./AgroWeb.org

Zgjedhje e Mirë

Zgjedhje e Dyshimtë

/portali DurresLajm/

Na bëni like në facebook!: 

Lajme nga e njëjta kategori

Stresi shkakton shumë të këqija në trupin tonë, përfshirë këtu dhe rritjen e nivelit të presionit të gjakut.

   Bota jonë moderne është e mbushur me sëmundje, rreziqe të shumta shëndetësore derisa kanceri është padyshim një nga sëmundjet që i fri

   Kërkesat e rritura të jetës së përditshme mund të ndikojnë në sistemin imunitar në dimër, duke na bërë më të ndjeshëm ndaj infeksionev

Hudhra është një nga përbërësit më popullorë të çdo kuzhine në botë. Ajo ndez shijet e recetave nga më të ndryshmet.

Rënia e flokëve dhe thinjat e parakohshme tek meshkujt nën moshën 40 vjeçare, janë një faktor rreziku për sëmundje të zemrës më shumë se

Lëkura në dimër është shumë më e ndjeshme se zakonisht dhe për këtë ne duhet të shmangim disa gabime që mund ta përkeqësojnë situatën.

Panxhari i kuq është një nga perimet më të mira shqiptare dhe kultivohet gjerësisht në tokat më pjellore të vendit.

Kërcimi është një aktivitet i këndshëm që ju ndihmon të qëndroni fizikisht të shëndetshëm dhe të shprehni ndjesitë.

   Fatkeqësisht, të kontrollosh temperamentin është një problem për shumë njerëz.

Në momente të ndryshme të jetës, mund të ndihemi të mërzitur dhe pa e kuptuar mund të biem në depresion.