Kurat natyrale për të bërë gjumë të qetë

29/06/2020 - 21:41

Pagjumësia është një problem shëndetësor që shkakton shumë telashe në organizëm. Miliona njerëz në botë stërmundohen gjatë natës pa vënë gjumë në sy. Shumica e pacientëve të prekur nga pagjumësia përdorin ilaçe të ndryshme që shkaktojnë urth, konstipacion, marramendje dhe varësi. Të dhënat tregojnë se medikamentet nuk ofrojnë kurrësesi një zgjidhje të mirë dhe pa efekte anësore që mundësohet nga kurat natyrale.

Çaji Jeshil

Çaji jeshil ofron disa amino acide të cilat e qetësojnë organizmin gjatë ditës por nxisin edhe një gjumë të thellë në mbrëmje. Këto aminoacide njihen si L-Theanine të cilat mund të gjenden edhe si suplementë për gjumin. Por duke qenë se ky çaj ka edhe kafeinë, është e rekomandueshme që mos ta teproni me të.

Çaji Kamomil

Ky çaj është jo vetëm i shijshëm por edhe efikas për gjumin. Ai funksionon si qetësues bimor. Ky çaj qetëson nervat, ul ankthin dhe zbut simptomat e pagjumësisë.

Valeriana

Njësoj si në rastin e kamomilit, bima e valerianës është përdorur prej mijëra vitesh kundër pagjumësisë dhe ankthit. Ajo ka tendencën të ofrojë qetësim shumë të shpejtë dhe ardhjen e gjumit sa hap e mbyll sytë. Shkencëtarët besojnë se valeriana rrit nivelet e acidit gamma aminobutyric në tru dhe e mban atë të qetë Sidoqoftë kjo bimë nuk është ideale për përdorim afatgjatë kundër pagjumësisë.

Lulja e Pasionit apo Lule Sahati

Në fillimet e saj, Lulja e Pasionit apo Lule Sahati është përdorur për të trajtuar histerinë dhe nervozizmin. Ekspertët shpjegojnë se kjo lule rrit nivelet e acidit gamma aminobutyric në tru dhe rrit ndjesinë e qetësisë. Studimet kanë treguar se pacientët që kanë marrë suplementë të lules përpara ndërhyrjes kirurgjikale kishin më pak ankth dhe zgjoheshin më qetë nga anestezia.

Receta E Duhur Për Një Gjumë Të Qetë

Përbërësit:

200 ml qumësht

1 lugë çaji me mjaltë

1 pikë ekstrakt vaniljeje

Udhëzimet:

Ngroheni qumështin në një tenxhere dhe përpara se të marrë valë hidheni në filxhan. Më pas shtoni vaniljen dhe mjaltin. Përziejeni mirë dhe pijeni ngadalë përpara se të shtriheni për të fjetur. Me këtë kurë, mendohet se pagjumësia nis e nuk bëhet më problem. Madje mund t’ja ndjeni efektin që në filxhanin e parë. Suksesi i kësaj kure, sipas informacioneve i atribuohet përbërësve të saj të mrekullueshëm, të cilët lehtësojnë ardhjen e gjumit dhe e ndihmojnë trupin të qetësohet. /AgroWeb

/portali DurresLajm/

Na bëni like në facebook!: 

Lajme nga e njëjta kategori

Periudha e verës, temperaturat e larta dhe mosushqyerja e duhur mund të shkaktojnë probleme me tretjen.

Skuqja dhe irritimi i lëkurës është shtuar në listën e simptomave të pacientëve të prekur me COVID-19, kanë bërë të ditur zyrtarë shëndet

Studimet e kryera mbi autopsitë e pacientëve që kanë humbur jetën për shkak të koronavirusit kanë zbuluar se sëmundja shkakton mpiksje gj

Efektet e sëmundjes së ndotjes së ajrit janë të njohura gjerësisht dhe konsiderohen si një shkaktar kryesor edhe për mjaft probleme në sh

Pyetja më e zakonshme që kanë prindërit e rinj për fëmijët e tyre, është sesa qumësht duhet të pinë.

Ekonomia nuk do të rikthehet në aktivitet të plotë deri kur të vihet në përdorim një vaksinë kundër COVID-19, thonë ekspertët.

Gjumi i mirë, aktiviteti fizik dhe ushqyerja e shëndetshme janë tre shtyllat kryesore të sistemit imunitar.i cili është thelbësor për shë

Mjaft konsumatorë preferojnë t’i nxjerrin farat e rrushit, madje të tjerë nuk konsumojnë as lëkurën e këtyre kokrrave.

Qytetërime të ndryshme i kanë përdorur mustaqet e misrit që në lashtësi, sepse kanë besuar fort se këto fije të holla, në dukje të rëndom

Është koha që fytyra juaj të përballet me faktet, kjo nuk është një kohë e mirë për lëkurën.