Lodhje kronike, plogështi, fryrje të barkut…ja çfarë ju mungon

Postuar: 11/08/2017 - 09:41

Me siguri e dini që banania është e pasur me kalium, por nuk arrini të kuptoni rolin jetësor që ky mineral luan në trup. Kaliumi ndihmon në forcimin e muskujve, kontrollin e lëngjeve dhe balancimin e mineraleve. Për më tepër, kaliumi zvogëlon efektet negative të konsumimit të tepërt të kripës, një problem që e kanë shumë njerëz.

Një i rritur konsumon mesatarisht 3,400 miligramë kripë në ditë, gati 50% më shumë të sasisë së rekomanduar. Një dietë e pasur me kalium ndihmon trupin të nxjerrë jashtë sodiumin. Kaliumi ndihmon gjithashtu për uljen e tensionit të gjakut. Duke rritur sasinë e konsumimit të kaliumit dhe ulur sasinë e sodiumit, mund të ulni rrezikun për të pësuar një goditje në tru me 21%, si dhe mund të ulni rrezikun për t’u prekur nga një sëmundje në zemër.

Ja cilat janë disa shenjat që shfaq organizmi kur keni mungesë të kaliumit:

Jeni gjithmonë i lodhur

Nëse nuk arrini të çlodheni dhe nivelet e energjisë janë shumë të ulëta, mund të keni mungesë të kaliumit. “Çdo qelizë në trup ka nevojë për sasinë e duhur të kaliumit që të funksionojë”, shpjegon Lauren Blake, eksperte e dietave tek Qendra Mjekësore Wexner e Universitetit Shtetëror të Ohajos.

“Nëse jeni shumë i lodhur dhe kjo nuk vjen si pasojë e  mungesës së gjumit, mungesa e kaliumit mund të jetë një ndër shkaktarët”, shton ajo.

Ndiheni të plogësht, ju dhembin muskujt

Kaliumi luan një rol kyç në forcimin e muskujve, si të zemrës ashtu edhe të gjithë trupit. Prandaj, kur nivelet e tij janë të ulëta, ju ndieni dhimbje gjatë ditës ose kur bëni stërvitje, thotë Blake.

Ndiheni të lodhur, keni marramendje dhe ju duket sikur po ju ther trupi

Ndjesia e therjes së krahëve apo këmbëve mund të jetë një tjetër shenjë që tregon se keni mungesë të kaliumit. Gjithashtu mungesa e këtij minerali shkakton probleme me kujtesën dhe përqendrimin.

Keni tension të lartë të gjakut ose dridhje

Mungesa e kaliumit mund të shkaktojë ngushtim të mureve të brendshme të enëve të gjakut, duke puar kështu në hipertension. Ju mund të keni gjithashtu probleme me rrahjet e zemrës, duke qenë se muskujt e zemrës e kanë më të vështirë të pompojnë gjak kur balanca mes sodiumit dhe kaliumit është jashtë kontrollit.

Ndiheni të fryrë gjatë gjithë kohës

Kur keni mungesë të kaliumit, trupi e ka të vështirë të rregullojë nivelet e sodiumit dhe mund të shkaktojë fryrje barku si pasojë e kripës.

Keni probleme me rrahjet e zemrës

Kur nivelet e kaliumit janë shumë të ulëta, mund të sjellin pasoja shumë të rënda në shëndet. Nëse keni rrahje të shpeshta zemre apo ju duket sikur po del nga gjoksi, mund të keni rrahje zemra të çregullta. Prandaj duhet të kontrolloheni menjëherë tek një mjek. /shendeti.com.al/

/portali DurresLajm/

Na bëni like në facebook!: 

Lajme nga e njëjta kategori

Si çdo medikament tjetër edhe pilulat kontraceptive kanë efektet e tyre anësore.

Rikthehet çështja e vezëve toksike në Evropë, substanca përgjegjëse e së cilës është si gjithnjë i njëjti, insekticidi Fipronil, përdorim

Përpara plazhit të gjithë priremi të reduktojmë ushqimin apo produktet që e dimë se ndikojnë negativisht në organizmin tonë. Ndërkohë ka

Të konsumosh vaktet në zyrë është e dëmshme për shëndetin.

Ka 5 rregulla për të ngrënë "me ndërgjegje” (të hahet me vetëdije, ushqimi duket më i shijshëm dhe hahet më pak) për të humbur peshë dhe

   Vezët janë një vakt i dashur nga shumë njerëz. Ato konsumohen kryesisht për mëngjes.

Ekspertët kanë arritur në përfundimin se rrjetet sociale dhe celulari kanë ndikuar në ndryshimin e orareve të gjumit. 

Me stinën e bukur të verës, jo gjithnjë ekziston dëshira për t'u mbyllur në palestër.

Mund të na ndodhë të gjithëve që herë pas here të flemë me makiazh në fytyrë, por kurrsesi nuk duhet kthyer në një rutinë pasi sjell dëme

Nëse do të jetosh më gjatë, ha më pak mish të kuq.