Njerëzit inteligjentë, më të rrezikuar nga sëmundjet mendore

24/10/2020 - 22:15

Idea se njerëzit më inteligjentë janë disi më të rrezikuar nga çrregullimet mendore është pasqyruar gjerësisht në filma e romane, por tashmë stereotipi shoqëror i ‘gjeniut të torturuar’ po gjen edhe mbështetje shkencore.

Një studim i ri i publikuar në rrjetin Science Direct, analizonte studentë me indeks inteligjence (IQ) prej mbi 130, dhe arrinte në konkluzionin se “njerëzit me inteligjencë më të lartë janë shumë më të rrezikuar nga çrregullimet psikologjike apo sëmundjet fiziologjike”.

Studimi zbulonte se çrregullimet e ankthit mbizotëronin në shumicën e 3,715 studentëve të universitetit American Mensa. Mes tyre, 20 përqind ishin të diagnostikuar me çrregullime të anthit, që është shumë më e lartë se mesatarja prej 10 përqind në popullatën normale.

Studimi sugjeron se prej rritjes së nivelit të ndërgjegjësimit personal të njerëzve me inteligjencë më të lartë, ata reagojnë më shumë ndaj stimujve të mjedisit, duke krijuar një skenar super/tru-super/trup, i cili pasqyrohet në një sistem nervor hiperaktiv.

Për ta, edhe stimujt më të vegjël, si për shembull ngacmimi i etiketës së një bluze prapa qafës, apo një zhurmë e çuditshme, mund të shkaktojë “reagim stresi kronik që aktivizon përgjigje të ekzagjeruara të super-trupit”, shkruan Dr. Nicole Tetreault, bashkëautore e studimit, prandaj këta njerëz mund të vujanë nivele të larta ankthi.

“Një pjesë e konsiderueshme e këtyre individëve kanë vuajtje të përditshme si rezultat super-eksitimit të tyre emocional dhe fizik”.

Autorët theksojnë se studimi i tyre pasqyronte bashkërenditje dhe jo lidhje shkak-pasojë, dhe se nevojiten hetime të mëtejshme mbi popullatën e rrezikuar, dhe shëndetin mendor të njerëzve me inteligjencë më të lartë.

/portali DurresLajm/

Na bëni like në facebook!: 

Lajme nga e njëjta kategori

Plakja e trurit është kthyer në kryefjalën e shqetësimeve mbarë botërore prej disa vitesh tashmë.

Mbetjet ushqimore janë një problem i madh në shoqërinë tonë dhe kjo ndodh kryesisht sepse njerëzit e hedhin ushqimin sepse nuk e kanë rua

Një ndër organet që prek koronavirusi dhe lë pasoja të rënda tek pacientët janë mushkëritë.

Aktiviteti i trurit është unik tek çdo individ dhe mund të krahasohet me gjurmët e tij të gishtave.

Toksinat na rrethojnë dhe na kërcënojnë rregullisht çdo ditë.

Të dhënat e Institutit të Statistikave dhe Doganave tregojnë se një shqiptar konsumon përafërsisht 3.1 kg kafe në vit.

Një pjesë e mirë e jona e përdorin vajin e ullirit për të gatuar apo në sallata, por pak e dinë që përfitimet më të mëdha prej i marrim d

Nëse ju pëlqen ta nisni ditën me lëngje se sa me ushqim, gjasat janë që të jeni të dyzuar mes lëngut të portokallit dhe qumështit.

Frutat dhe perimet janë shumë të pasura me antioksidantë, vitamina dhe minerale.