Sa shpesh duhet të urinoni?

08/11/2018 - 22:31

Disa ditë ndjeheni sikur jeni vazhdimisht të detyruar të shkoni në tualet për t’u liruar; ditëve të tjera, mund të kalojnë orë të tëra pa e ndjerë nevojën për të urinuar. Pra çfarë do të thotë kjo?

Sa shpesh duhet të urinoni dhe më e rëndësishmja: A keni nevojë të shqetësoheni nëse jeni duke urinuar shumë shpesh (ose shumë pak)?

Ajo që konsiderohet “normale” mund të ndryshojë nga personi në person. Por, mesatarisht njerëzit shkojnë në tualet rreth gjashtë deri në shtatë herë në ditë.

Se sa shpesh e vizitoni tualetin ndërlidhet me një sërë faktorësh të ndryshëm, siç është marrja e lëngjeve – mesatarisht duhet të konsumojmë deri në 6 gota ujë – sa madhësia e fshikëzës tuaj. Për shembull nëse keni një fshikëz më të vogël, ju duhet të urinoni më shpesh sesa dikush me një rezervar më të madh.

Çështja është sa shumë kafeinë merrni – kafeina është deuritike, që do të thotë ju bën të urinoni më shpesh. Prija e duhanit është gjithashtu njëri nga faktorët, pasi ai mund të irritojë fshikëzën. Lëngjet me përbërje të madhe të sheqerit si dhe konsumi i madh i kripës mund t’ju bëjë që të urinoni më shpesh, thonë ekspertët.

E kundërta mund të ndodhë kur të rritet niveli i aktivitetit dhe djersiteni më shumë. Pra, nëse ju jeni djersitur më shumë dhe jeni duke urinuar më pak, kjo ndodhë sepse jeni duke nxjerrë jashtë ujin në mënyra të tjera.

A duhet të brengosemi nëse urinojmë shpesh (ose jo shpesh)?

Nëse ndodh që të shkoni më shpesh në tualet se zakonisht dhe keni dhembje ose djegie kur urinoni, mund të keni infeksion të fshikëzës, siç është infeksioni i traktit urinar, që është e zakonshme te gratë e reja. Duhet patjetër të vizitoni doktorin dhe të keni nevojë për antibiotik për ta trajtuar problemin.

Duhet të shihni doktorin nëse rrjedhja e urinimit ka ndryshuar, keni parë se keni gjak në urinë, keni nevojë për shtyrje gjatë urinimit ose nëse duhet të urinoni disa herë brenda natë.

Për ju të cilët nuk urinoni shpesh- ndalojeni sa më parë këtë. Duke mbajtur urinën, në fakt mund t’i dëmtoni muskujt e fshikëzës, duke bërë  që të mos të mund të lironi të gjithë sasinë e urinës.

Për më tepër, mos urinimi mund të rrisë rrezikun e infeksionit pasi që urina ka shumë bakterie që mund të shumohen kur mbahen në fshikëz në mënyrë rutinore për periudha të gjata kohore. Rekomandohet që t’i shmangeni mbajtjes së urinës për më shumë se katër orë në ditë – natën është një histori tjetër pasi që ne kemi një hormon që mbyll veshkat gjatë natës, të cilat prodhojnë urinë, përderisa flemë.

Nëse urinimi i shpeshtë ndalon dhe jeni të shqetësuar shumë, është koha të kontrolloni çfarë është duke ndodhur.

/portali DurresLajm/

Na bëni like në facebook!: 

Lajme nga e njëjta kategori

Pirja e duhanit mund të shkaktojë diabet.

Boronicat janë të ëmbla, ushqyese dhe shumë të shëndetshme.

Një studim i ri i bërë nga kompania  "Weight Watchers", ka treguar se meshkujt nuk arrijnë të humbasin peshë sepse kanë turp që ti thonë

Arrat janë shumë të shëndetshme për organizmin por nëse e teproni me to, do të përballeni me dhimbje koke, fryrje të stomakut dhe diarre.

Në një stinë si kjo e dimrit, ku temperaturat shkojnë deri në minus duhet të kemi tepër kujdes, sidomos për lëkurën.

Gjumi i mjaftueshëm është i nevojshëm, për të na bërë të ndihemi mirë fizikisht dhe mendërisht.

Nëse ju shkurtoni thonjtë shumë të shkurtër, veçanërisht në anët e gishtave të mëdhenj të këmbëve, ju mund të përgatisni terrenin që thoi

Ndodh shpesh herë që njerëzit të ndihen mirë kur rivalët apo të tjerët përreth dështojnë.

Sulmi në zemër është më i shpeshtë te personat e moshuar dhe paraqet gjendjen kur zemra është shumë e dobët për ta shtyrë qarkullimin e g

E tepruat me ushqimet ditët e festave!?